کینبرا: آسٹریلیا میں چین کے سفیر نے جمعرات کو تائیوان کا دورہ کرنے والے آسٹریلوی رہنماؤں کو تنقید کا نشانہ بنایا اور جم کر کلاس لگائی ۔ سفیر ژیاؤ کیان( Xiao Qian )نے کہا کہ انہیں خودساختہ جزیرے سے علیحدگی پسند استعمال کر رہے ہیں۔ سفیر Xiao Qian نے یہ بات اس ہفتے تائیوان کا دورہ کرنے والے آسٹریلوی پارلیمانی وفد کے حوالے سے  سڈنی میںکہی۔ اس دورے کے علاوہ ایک سابق وزیر اعظم اگلے ماہ تائپے میں تقریر کرنے کا بھی ارادہ رکھتے ہیں۔ چین تائیوان کو اپنا علاقہ سمجھتا ہے۔ ژیاؤنے کہا کہ آسٹریلوی رکن پارلیمنٹ اور سابق وزیر اعظم کا تائیوان کا دورہ سیاسی اہمیت رکھتا ہے۔
چینی سفیر نے کہا کہ تائیوان میں سیاسی قوتیں اپنی علیحدگی پسند تحریک کے لیے آسانی سے اس کا استعمال کریں گی اور میں نہیں چاہتا کہ ایسا ہو۔ انہوں نے کہا کہ مجھے امید ہے کہ وہ ون چائنا پالیسی کو قبول کریں گے اور تائیوان کے ساتھ کسی بھی طریقے سے کام کاج کرنے سے دوری بنائیں گے ، تاکہ وہ سیاسی مقصد  رکھنے واے جزیرے کے لوگوں کے ذریعہ سیاسی طور پر استعمال نہ ہوں۔ 
'ون چائنا پالیسی' کے مطابق چین میں کمیونسٹ پارٹی کی حکومت ہے اور تائیوان ملک کا حصہ ہے۔ چینی حکومت نے بدھ کے روز تائیوان کی حکمران جماعت پر آزادی کے حصول کی کوشش کرنے کا الزام لگایا تھا۔ ایک دن پہلے، صدر تسائی انگ وین نے دورے پر آئے چھ آسٹریلیائی اراکین پارلیمنٹ کے ساتھ ایک ملاقات میں علاقائی تجارتی معاہدے میں شامل ہونے کے لئے آسٹریلیا کی حمایت  کی پیروی کی تھی ۔ آسٹریلیا کے سابق وزیر اعظم سکاٹ موریسن کا 11 اور 12 اکتوبر کو تائپے میں یوشن فورم سے خطاب کرنے کا منصوبہ ہے۔