سپورٹس ڈیسک: افغانستان کے وکیٹ کیپر / بلے باز محمد شہزاد کو افغان کرکٹ بورڈ نے 12 مہینے کیلئے کرکٹ کے سبھی فارمیٹ کھیلنے پر پابندی لگا دی ہے ۔ آپ کو بتا دیں کہ افغانستان کرکٹ بورڈ نے محمد شہزاد پر ضابطہ اخلاق کی خلاف ورزی کے الزام میں شہزاد پر ایک سال کی پابندی لگائی ہے ۔ 
اس سے پہلے ملک سے باہر سفر کرنے کیلئے بورڈ سے اجازت نہ لینے کے چلتے شہزاد کو غیر متعین عرصہ کیلئے معطل کردیا گیا تھا ۔ افغانستان کرکٹ بورڈ نے اپنا بیان جاری کر کہا کہ  یہ پہلی بار نہیں ہوا ہے ، جب شہزاد نے کھلاڑیوں کیلئے بنے اے سی بی کے ضابطہ اخلاق کی خلاف ورزی کی ہو ۔ انہوں نے اے سی بی کی پالیسیوں کے خلاف جاکر کئی بار بغیر اجازت لئے ہی ملک سے باہر کا سفر کیا ہے ۔ جبکہ کھلاڑیوں کو ایسا کرنے سے پہلے اجازت لینی پڑتی ہے ۔ 
بیان میں یہ بھی کہا گیا ہے کہ افغانستان کرکٹ بورڈ کے پاس ملک کے اندر ہی اچھی ٹریننگ کی سہولات موجود ہیں اور افغانستان کے کھلاڑیوں کو اس طرح کے مقاصد کیلئے دوسرے ملک کے کا سفر کرنا ضرورت نہیں ہے ۔