ممبئی: حال ہی میں تامل بگ باس کی شہرت یاشیکا آنند کے بارے میں ایک بڑی خبر سامنے آئی ہے۔ تامل اداکارہ یاشیکا آنند سڑک حادثے کا شکار ہوگئیں۔ یہ خوفناک سڑک حادثہ تمل ناڈو کے چنئی میں ہوا۔
بتایا جارہا ہے کہ یاشیکا اپنے دوستوں کے ساتھ مہابلی پورم سے چنئی واپس جارہی تھی۔ ان کی کار چنئی کے سرحدی علاقے میں ایک خوفناک حادثے کا شکار ہوگئی۔
عینی شاہدین کے مطابق ، ایک تیز رفتار ایس یو وی ای سی آر روڈ پر جارہی تھی۔کار سینٹر میڈیٹ سے ٹکرا گئی اورپھر سڑک کے کنارے کھڑے میں گر گئی ، واقعے کے بعد وہاں موجود افراد کار میں سوار لوگوں کو بچانے کے لئے پہنچے۔تین افراد کو کار سے باہرنکالا گیا جس میں یاشیکا بھی موجود تھی۔
تینوں کو قریبی ہسپتال لے جایا گیا جب کہ یاشیکا کی دوست ویلچیتھی بھوانی کار کے اندر بری طرح پھنسی ہوئی تھیں۔ انھیں بچانے کے لئے مدد کا انتظاکیا جا رہا تھا لیکن بدقسمتی سے ان کی موقع پر ہی موت ہو گئی ۔
شراب کے نشے میں دھت تھیں اداکارہ
پولیس کی ابتدائی تفتیش میں پتہ چلا ہے کہ کار میں سوار چار افراد شراب کے نشے میں تھے۔گاڑی کی رفتار تیز ہونے کی وجہ سے توازن بگڑ گیا اور کار ڈیوائڈر سے جا ٹکرائی۔ یہ ٹکر زبردست تھی۔ تاہم پولیس کا کہنا ہے کہ میڈیکل ٹیسٹ رپورٹ کے بعد ہی مقدمہ درج کیا جائے گا اور تفتیش شروع کردی ہے۔
