نیشنل ڈیسک :سوشل میڈیا ایپ وہائس ایپ نے حکومت کو جاسوسی معاملے میں معلومات دی۔ بدھ کو وہاٹس ایپ نے حکومت کو سیکورٹی کو مضبوط کرنے کا بھروسہ دیا ہے۔اس کے علاوہ کمپنی نے کہا کہ ہمارے اور حکومت کے درمیان بہتر تال میل کی ضرورت ہے۔وہیں، حکومت جاسوسی معاملے کو لے کر سخت ہو گئی ہے۔حکومت کی جانب سے کہا گیا کہ سیکورٹی معاملے پر کوئی سمجھوتہ نہیں کیا جائے گا۔
اس سے پہلے بدھ کو کانگرس کے سینئر لیڈر ششی تھرور کی صدارت والی پارلیمنٹ کی ایک مستقل کمیٹی نے وہاٹس ایپ جاسوسی معاملے کی چھان بین کے لئے میٹنگ کی۔ لوک سبھا سیکرٹریٹ کی جانب سے جاری نوٹس کے مطابق اس کمیٹی کو الیکٹرانک اور اطلاعات و ٹیکنالوجی کی وزارت، وزارت داخلہ اور جوہری توانائی کے شعبہ کے نمائندوں کی طرف سے معلومات دی جانی ہے۔
انفارمیشن ٹیکنالوجی معاملے کی مستقل کمیٹی کے صدر تھرور نے بھارتیہ شہریوں کی جاسوسی کے لئے ٹیکنالوجی کے مبینہ استعمال کا ذکر کرتے ہوئے کمیٹی کے ارکان کو خط لکھا تھا۔تھرور نے کہا تھا کہ' یہ شدید تشویش کا موضوع ہے۔حال ہی میں وہاٹس ایپ نے کہا تھا کہ اسرائیلی سپائیویئر 'پگاسس ' کا استعمال کرکے دنیا بھر میں بہت لوگوں کی جاسوسی کی گئی جن میں بھارت کے کئی سماجی کارکن اور صحافی شامل ہیں۔