واشنگٹن: امریکی ایوان نمائندگان نے ملک کے صدر ڈونالڈ ٹرمپ کی طرف سے کینیڈا پر لگائے گئے محصولات کو واپس لینے کے لیے ووٹنگ کی، جو وائٹ ہاؤس کے ایجنڈے پر ایک نایاب لیکن بڑی حد تک علامتی تنقید ہے۔ بدھ کے روز اس قرارداد کے حق میں 219 اور اس کے خلاف 211 ووٹ پڑے۔ ممکنہ طور پر یہ پہلی بار ہے کہ ریپبلکن پارٹی کے کنٹرول والے ایوان نمائندگان نے کسی اہم پالیسی پر صدر کی مخالفت کی ہے۔ اس قرارداد کا مقصد اس قومی ہنگامی حالت کو ختم کرنا ہے جسے ٹرمپ نے محصولات لگانے کے لیے اعلان کیا تھا، لیکن اس پالیسی کو واپس لینے کے لیے حقیقت میں ٹرمپ کی حمایت بھی ضروری ہوگی، جو ناممکن نظر آتی ہے۔

Is that a beginning of the end of Trump mafia policy on Congress👀

The U.S. House votes to OVERTURN Trump’s tariffs on Canada, 219–211.

Six Republicans join Democrats to pass the measure:
Reps.
Bacon,
Massie,
Kiley,
Fitzpatrick,
Hurd and Newhouse. pic.twitter.com/pQ91dUMEN7

— Mario (@PawlowskiMario) February 12, 2026

یہ قرارداد اب سینیٹ کے پاس جائے گی۔ ٹرمپ کا ماننا ہے کہ محصولات امریکی تجارتی شراکت داروں کو مذاکرات کی میز پر لانے کے لیے مؤثر ہیں، لیکن ارکان پارلیمنٹ کو اپنے اپنے حلقوں میں تجارتی جنگوں کی وجہ سے مشکلات کا شکار کاروباری افراد، ان کی جیب پر پڑنے والے اثرات اور بڑھتی ہوئی قیمتوں سے پریشان ووٹروں کی ناراضی کا سامنا کرنا پڑ رہا ہے۔ ایوان نمائندگان کی خارجہ امور کی کمیٹی میں ڈیموکریٹک پارٹی کے سینئر رہنما اور نیویارک سے رکن کانگریس گریگوری میکس نے یہ قرارداد پیش کی۔ انہوں نے کہا  کہ آج کی ووٹنگ سادہ ہے، بہت آسان۔ کیا آپ امریکی خاندانوں کے لیے زندگی کے اخراجات کم کرنے کے حق میں ووٹ دیں گے یا ایک شخص، ڈونالڈ جے ٹرمپ کے لیے وفاداری کی وجہ سے قیمتیں بلندبنائے رکھیں گے۔
یہ ووٹنگ صدر کے اقدامات کو لے کر ایوان نمائندگان کی بے چینی کی ایک جھلک پیش کرتی ہے۔ سینیٹ پہلے ہی عدم اطمینان ظاہر کرتے ہوئے کینیڈا اور دیگر ممالک پر ٹرمپ کے محصولات کو مسترد کرنے کے حق میں ووٹنگ کر چکی ہے، لیکن محصولات میں کمی کے لیے دونوں ایوانوں کو قرارداد منظور کر کے صدر کے دستخط کے لیے اسے ٹرمپ کے پاس بھیجنا ہوگا۔ ٹرمپ نے مجوزہ چین تجارتی معاہدے کے معاملے پر حال ہی میں کینیڈا سے درآمد ہونے والی اشیا پر 100 فیصد محصول لگانے کی دھمکی دی تھی، جس سے کینیڈین وزیر اعظم مارک کارنی کے ساتھ ان کی کشیدگی مزید بڑھ گئی۔