شملہ:صدرجمہوریہ ہند دروپدی مرمو ہماچل پردیش کے اپنے پانچ روزہ دورے پر ہفتہ کو یہاں پہنچیں۔ محترمہ مرمو صبح 10.35 بجے ایئر فورس کے ایک خصوصی ہیلی کاپٹر میں کلیانی ہیلی پیڈ پر اتریں، جہاں گورنر شیو پرتاپ شکلا نے ان کا استقبال کیا۔ وہ یہاں مشوبرا میں راشٹرپتی نواس میں قیام کریں گی۔ ان کی حفاظت کو مدنظر رکھتے ہوئے شملہ سے ریٹریٹ تک کے پورے راستے پر سخت حفاظتی بندوبست کئے گئے ہیں۔
صدر جمہوریہ 06 مئی کو دھرم شالہ میں ہماچل پردیش سنٹرل یونیورسٹی کے 7ویں کانووکیشن میں شرکت کریں گی۔ دوسرے دن، 7 مئی کو، وہ گیٹی ہیریٹیج کلچرل کمپلیکس، شملہ میں ایک ثقافتی پروگرام میں شریک ہوں گی۔ اسی دن وہ یہاں راج بھون میں گورنر کی طرف سے منعقدہ عشائیہ میں شرکت کریں گی۔