نئی دہلی: انفورسمنٹ ڈائریکٹوریٹ (ای ڈی) نے جمعرات کو ایک جعلی سرکاری نوکری گھپلہ سے متعلق منی لانڈرنگ کیس کے سلسلے میں ملک گیر تلاشی مہم شروع کی یہ آپریشن ایک منظم گروہ کو نشانہ بناتے ہوئے چلایا گیا جس نے جعلی نوکریوں کا وعدہ کرکے لوگوں کو ٹھگا ہے۔ ای ڈی کے ایک اہلکار نے کہاکہ "یہ گھپلہ شروع میں انڈین ریلوے کے نام پرسامنے ا?یا تھا، لیکن تحقیقات سے پتہ چلا ہے کہ یہ فراڈ 40 سے زیادہ دیگر سرکاری اداروں اور محکموں کے نام پر کیا گیا تھا، جن میں محکمہ جنگلات، ریلوے ریزرو بینک آف انڈیا (ا?ر ا?ر بی)، انڈین پوسٹ، انکم ٹیکس ڈپارٹمنٹ، ہائی کورٹ، پبلک ورکس ڈیپارٹمنٹ (پی ڈبلیو ڈی)، حکومت بہار اور راجستھان سکریٹریٹ سمیت چالیس سے زیادہ دیگر سرکاری تنظیموں اور محکموں کے نام پر دھوکہ دہی کی گئی ہے۔
ای ڈی نے کہا کہ اس گینگ نے جعلی سرکاری ڈومین کا استعمال کرتے ہوئے جعلی ای میل اکاونٹس بنائے اور لوگوں کو جعلی بھرتی کے خط بھیجے۔ متاثرین کا اعتماد حاصل کرنے کے لیے انھوں نے انھیں 2-3 ماہ کے لیے ابتدائی تنخواہیں بھی ادا کیں، جنہیں انڈین ریلویز میں ا?ر پی ایف، ٹی ٹی ای اور ٹیکنیشن کے عہدوں پر رکھا گیا تھا۔
تحقیقات کے حصے کے طور پر ملک بھر میں 15 مقامات پر تلاشی کا عمل جاری ہے۔ ان میں بہار کے مظفر پور میں ایک، موتیہاری میں دو، کولکتہ میں دو، کیرالہ میں چار، تمل ناڈو میں ایک، گجرات میں ایک اور اتر پردیش میں چار شامل ہیں۔