کنور: کیرالہ کے کنور میں پیر کی رات دیر گئے کار اور لاری کے درمیان زبردست ٹکرمیں ایک معصوم بچے سمیت ایک ہی خاندان کے پانچ افرادکی موت ہو گئی۔ پولیس نے یہ جانکاری دی ہے۔ انہوں نے بتایا کہ مرنے والے تمام افراد کار میں سفر کر رہے تھے۔ پولیس کے مطابق، مرنے والوں کی شناخت سی سدھاکرن (52)، اس کی بیوی اجیتا (35)، اس کے سسر کے کرشنن (65)، اجیت (اجیتھا کے بھائی) کے بیٹے آکاش (9) اور کار ڈرائیور کے این پدم کمار کے طور پر ہوئی ہے۔

یہ خاندان کاسرگوڈ ضلع میں چٹاریکل کے قریب بھیمنادی کا رہنے والا تھا۔ ان سبھی کی موقع پر ہی موت ہوگئی اور لاشیں پوسٹ مارٹم کے لیے کنور میڈیکل کالج پریارام بھیج دی گئی ہیں۔ یہ حادثہ رات تقریباً 2245 بجے پنناچیری پٹرول پمپ کے قریب پیش آیا۔ یہ خاندان سدھاکرن کے بڑے بیٹے سورو سے ملنے کے بعد کار سے کوڑی کوڈ واپس گھر جا رہا تھا کہ کنور کی طرف جانے والے ایل پی جی سے بھرے ٹرک سے ان کی کار ٹکرا گئی۔