نیشنل ڈیسک:  بھارتی منفرد شناختی اتھارٹی(یو آئی ڈی اے آئی)اور وزارتِ الیکٹرانکس و انفارمیشن ٹیکنالوجی (MeitY) نے آج یعنی 28 جنوری کو اپنے نئے آدھار ایپ کا مکمل ورژن لانچ کیا۔ اس نئے ایپ میں کئی ایسے فیچرز شامل کیے گئے ہیں جو پہلے دستیاب ایم آدھار( mAadhaar  )ایپ میں موجود نہیں تھے۔ مرکزی وزیرِ ریلوے اور اطلاعات و نشریات و انفارمیشن ٹیکنالوجی اشونی ویشنو اور MeitY کے وزیرِ مملکت جتن پرساد نے دوپہر تین بجے اس ایپ کا افتتاح کیا۔ یو آئی ڈی اے آئی کے مطابق لانچ ایونٹ کو سرکاری یوٹیوب چینل کے ذریعے براہِ راست نشر کیا گیا۔
 نئے آدھار ایپ میں کیا خاص ملے گا 
نئے آدھار ایپ کا ٹرائل ورژن چند ماہ قبل ہی جاری کیا گیا تھا۔ یہ ایپ گوگل پلے اسٹور اور ایپل ایپ اسٹور سے ڈاؤن لوڈ کیا جا سکتا ہے۔ مکمل ورژن کے اجرا کے بعد صارفین کو اس میں کئی نئے اور جدید فیچرز حاصل ہوں گے، جس سے آدھار کارڈ سے متعلق کام مزید آسان ہو گیا ہے۔

اس نئے ایپ کے ذریعے صارفین اب گھر بیٹھے اپنے آدھار کارڈ سے منسلک موبائل نمبر آسانی سے اپ ڈیٹ کر سکتے ہیں۔ اس کے لیے کسی آدھار سینٹر جانے کی ضرورت نہیں ہے۔ ایپ میں دیے گئے طریقہ کار پر عمل کر کے آپ اپنے موبائل نمبر کے ساتھ ساتھ آدھار کارڈ کا پتہ اور دیگر تفصیلات بھی اپ ڈیٹ کر سکتے ہیں۔
 ایک ساتھ متعدد پروفائل شامل کرنے کی سہولت 
mAadhaar ایپ میں موجود فیچرز جیسے بایومیٹرک لاک اور ورچوئل آدھار آئی ڈی تیار کرنا اب نئے آدھار ایپ میں بھی دستیاب ہیں۔ اس کے علاوہ نیا ایپ متعدد پروفائل شامل کرنے کی سہولت بھی فراہم کرتا ہے، جس سے ایک ہی ایپ میں کئی افراد کے پروفائل کو مینیج کرنا آسان ہو گیا ہے۔
نئے ایپ کا ایک اہم مقصد آف لائن ڈیجیٹل تصدیق کو فروغ دینا اور آدھار کارڈ کی فوٹو کاپی کے استعمال کو روکنا ہے۔ یو آئی ڈی اے آئی کے چیف ایگزیکٹو آفیسر بھونیش کمار نے کہا کہ نیا ایپ اور اس سے منسلک ٹیکنالوجی صارفین اور اداروں دونوں کے لیے شناخت کی تصدیق کو محفوظ، سہل اور رازدارانہ بنائے گی۔ آف لائن تصدیق کے ذریعے اب ڈیجیٹل شناخت کا استعمال مزید آسان اور قابلِ اعتماد ہو گیا ہے
ڈیجیٹل تصدیق ہوگی آسان اور محفوظ
نئے آدھار ایپ کے لانچ کے ساتھ ہی ڈیجیٹل شناخت اور تحفظ کے میدان میں یو آئی ڈی اے آئی نے ایک بڑا قدم اٹھایا ہے۔ اب صارفین بغیر کسی  سینٹر گئے گھر بیٹھے آدھار کارڈ سے متعلق کئی کام انجام دے سکیں گے اور ڈیجیٹل تصدیق کا عمل بھی تیز اور محفوظ ہو جائے گا۔