شاہ جہاں پور کی ایل ایل ایم کی طالبہ کے   ساتھ جنسی تشدد معاملے میں ملزم بی جے پی کے سابق مرکزی وزیر سوامی  چنمیانند کی مشکلیں بڑھنے جا رہی ہیں۔سنت سماج سوامی چنمیانند پر بڑی کارروائی کرنے جا رہا ہے۔اکھل بھارتیہ اکھاڑہ پریشد 10 اکتوبر کو ہری دوار میں ہونے والی میٹنگ میں سوامی چنمیانند کو سنت سماج سے باہر کرے گا۔ اجلاس میں تمام 13 اکھاڑہ پریشد کے سادھو سنت شامل ہوں گے۔سوامی چنمیانند سنت روایت سے آتے ہیں اور وہ مہانروانی اکھاڑے کے مہامنڈ لیشور ھی ہیں۔
 اکھل بھارتیہ اکھاڑہ پریشد کے ذرائع کے مطابق مالک چنمیانند سنت روایت سے آتے ہیں لیکن یہ انکا یہ کام قابل مذمت اور شرمناک ہے ،لہٰذا اس سے سادھو سنتوں کی بدنامی ہو رہی ہے۔قانون کے مطابق انہیں سزا بھگتنی پڑے گی، لیکن سنت سماج بھی انہیں اپنے اکھاڑے سے باہر کرے گا ۔

اکھاڑہ پریشد نے یہ بھی کہا کہ جب تک کورٹ کے حکم سے وہ بے قصور ثابت نہیں ہوتے تب تک وہ سنت سماج سے خارج ہی رہیں گے۔سوامی  چنمیانند کی گرفتاری کے بعد ان کے وکلا ء نے انہیں ضمانت دلانے کی بھرپور کوشش کی لیکن ہفتہ کو چھٹی ہونے کی وجہ سے عدالت میں ان کی عرضی منظور نہیں ہو سکی۔
بتا دیں ایس آئی ٹی نے چنمیانند کو جمعہ (20 ستمبر) کو گرفتار کیا تھا۔چنمیانند کو ان ممکش آشرم سے گرفتار کیا گیا تھا۔عدالت نے چنمیانند کو 14 دن کی عدالتی حراست میں بھیجا ہے۔