نئی دہلی : مرکزی حکومت نے گاندھی پریوار کو ملی سپیشل پروٹیکشن گروپ ( ایس پی جی ) سکیورٹی کو لیکر نئی ہدایات جاری کی ہیں۔وزارت داخلہ کی جانب سے جاری نئی ہدایات کے مطابق گاندھی پریوار کے کسی بھی فرد کو بیرون ملک سفر پر جانے کے دوران ان کے ساتھ ہر وقت ایس پی جی سکیورٹی ضرور رہے گی ۔حکومت نے کہا کہ اگر وہ لوگ ایس پی جی کو ساتھ لیکر نہیں جاتے ہیں تو انکا سفر رد کیا جا سکتاہے۔
بتادیں کہ موجودہ وقت میں کانگرس کی عبوری صدر سونیا گاندھی ، راہل گاندھی اور پرینکا گاندھی واڈرا کو ایس پی جی سکیورٹی ملی ہوئی ہے ۔ ایس پی جی سیکورٹی اہلکار پہلے بیرون ملک کسی مقام تک ہی گاندھی پریوار کے ساتھ جاتے تھے ، اس کے بعد گاندھی پریوار کے ممبر اپنی پرائیویسی کا حوالہ دے کر سبھی سکیورٹی اہلکاروں کو واپس بھارت بھیج دیتے تھے ۔
قابل ذکر ہے راہل گاندھی کے بھی غیر ملکی دورے پر جانے کی خبر ہے ۔ پہلے بتایا جا رہا تھا کہ وہ بنکاک گئے ہیں، لیکن اب کہا جا رہا ہے کہ کمبوڈیا گئے ہیں