ٹک ٹاک سٹار اور بی جے پی لیڈر سونالی فوگاٹ کو جان سے مارنے کی دھمکی ملی ہے۔اتنا ہی نہیں، ان کے ساتھ مار پیٹ بھی کی گئی ہے۔یہ الزام خود سونالی فوگاٹ نے لگائے ہیں اور الزام بھی کسی باہر والے پر نہیں، بلکہ خود کی سگی بہن اور جیجا پر لگائے ہیں۔

سونالی فوگاٹ نے اس معاملے میں فتح آباد صدر تھانے میں باقاعدہ شکایت درج کرائی ہے۔ فوگاٹ نے شکایت میں الزام لگاتے ہوئے بتایا کہ وہ 28 اکتوبر کواپنے والد سے ملنے فتح آباد کے گاؤں بھوتھن کلاں پہنچی تھیں۔اسی دن اس کی بہن روکیش اور بہنوئی امن پونیا بھی گاؤں آئے ہوئے تھے۔سونالی فوگاٹ کا کہنا ہے کہ اس کی بہن اور بہنوئی نے اس کے ساتھ جھگڑا اور گالی گلوچ کی اور جان سے مارنے کی دھمکی دی۔
سونالی فوگاٹ نے پولیس کو دی شکایت میں اپنی بہن اور جیجا کا فون نمبر بھی دیا، لیکن وہ بندبتائے جا رہے ہیں۔اگرچہ شکایت میں جھگڑے کی وجہ کے بارے میں کوئی بات نہیں لکھی گئی ہے۔شکایت کے  بعد پولیس نے اس معاملے میں مختلف دفعات کے تحت مقدمہ درج کر تحقیقات شروع کر دی ہے۔حالانکہ ابھی تک اس معاملے میں کوئی گرفتاری نہیں کی گئی ہے۔وہی اس معاملے میں نہ تو خود بی جے پی لیڈر سونالی  فوگاٹ اور نہ ہی ان کی بہن- جیجا کھل کر کچھ بول رہے ہیں۔

بتا دیں کہ بی جے پی لیڈر سونالی فوگاٹ اپنے ٹک ٹاک ویڈیو کے چلتے ہمیشہ ہی سرخیوںمیں رہتی ہیں اور ان کی شہرت کو دیکھتے ہوئے ہی بی جے پی نے اس بار انہیں آدم پور اسمبلی سیٹ سے الیکشن کا ٹکٹ دیا تھا۔سونالی نے دگج کانگرسی لیڈر کلدیپ بشروئی  کے خلاف الیکشن لڑا تھا۔محض 15 دن کے پرچار میں انہیں 35 ہزار سے زائد ووٹ ملے تھے، لیکن وہ اپنی جیت یقینی نہیں کر سکی تھیں۔