بالی وڈ میں  10 سال پورے کرنے والی  سوناکشی سنہا اس وقت بھارت میں خواتین کے خلاف بڑھ رہے جرائم سے کافی ناراض ہیں۔ جلد سوناکشی کی فلم دبنگ3  ریلیز ہونے والی ہے ۔ اس دوران ایک انٹرویو میں سوناکشی  نے کہا کہ  ' کوئی بھی بھارت کی بیٹی نہیں بننا چاہتا۔نربھیا معاملے پر بات کرتے ہوئے انہوں نے کہا کہ  ایسی وارداتیں کیوں ہوتی ہیں؟

بڑھ رہے عصمت دری کے واقعات اور جنسی تشدد کی خبروں  پر سوناکشی نے  اظہار ناراضگی کرتے ہوئے کہا کہ  ملک میں کہیں بھی لڑکیاں محفوظ نہیں ہیں۔ اگر ایسا ہی چلتا رہا تو کوئی بھی اس  ملک کی  بیٹی نہیں بننا چا ہے گی ۔وہیں خواتین کی خود مختاری کو  لیکر وقت بدل رہا ہے خواتین اپنے حقوق کے لئے آواز اٹھا نے لگی ہیں۔

آج ایک طرف ملک میں لڑکیوں کو  دیویوں کی طرح پوجا جاتا ہے وہیں اپنے حق کے لئے لڑنا پڑتا ہے ۔ دہلی میں نربھیا کانڈ کے بارے میں بات کرتے ہوئے انہو ںنے کہا کہ اس معاملے کو 7 سال ہوچکے ہیں ، لیکن پھر بھی  ایسی خطر ناک اور دل دہلا دینے والے واقعات ہو رہے ہیں، جبکہ ان کے خلاف  کئی طرح کے اقدامات کئے جا رہے ہیں۔