نئ دہلی :بھارتیہ جنتا پارٹی (بی جے پی)کے صدر اور مرکزی وزیر داخلہ امت شاہ نے منگل کو کہا کہ شہریت ترمیمی قانون  ( سی اے اے )کو لے کر حال میں دہلی میں ہوئے پرتشدد واقعات کے لئے کانگرس ذمہ دار ہے اور دارالحکومت کے عوام کو اسے سزا دینا چاہئے۔مشرقی دہلی کے کرشنا نگر علاقے میں ہزاروں کروڑ روپے کی لاگت سے بننے والے مربوط وکاس ہب  کا  سنگ بنیاد رکھتے  ہوئے شاہ نے کہا کہ سی اے اے  کو لے کر احتجاج کانگرس کی قیادت میں ٹکڑے ٹکڑے گینگ نے کیا۔یہ دہلی کی بدامنی کی ذمہ دار ہے، اسے دہلی کے عوام کو سزا دینا چاہئے۔

بی جے پی صدر نے کہا کہ سی اے اے  پر اپوزیشن نے دہلی کے عوام کو گمراہ کر دارالحکومت کی امن کو خراب کیا ہے۔ انہوں نے کانگرس پر نشانہ لگاتے ہوئے کہا کہ پارٹی کا کام کرنے کا گھسا-  پٹا سٹائل نریندر مودی نے گجرات سے بدلنا شروع کیا اور ایک ایسی عملی روایت  ملک کے سامنے رکھی کہ جو حکومت کسی کام کا زمینی پوجن کرے گی، وہی حکومت اس کام کا افتتاح بھی کرے گی اور پانچ سال کے اندر ہی عوام کو اس کام کی حقیقت  دیکھنے کو ملے گی۔کانگرس کی حکومت اس بات کے لئے مشہور تھی کہ پانچ سال ایک حکومت کوئی منصوبہ بناتی تھی، دوسرے پانچ سال میں دوسری حکومت اس کے لئے بجٹ منظور کرتی تھی، تیسرے پانچ سال میں اس کا زمین پوجن کرتی تھی اور اگلے پانچ سال میں کانگرس حکومت اسے بھول جاتی تھی۔کام تو ہوتا ہی نہیں تھا۔

شاہ نے کہا کہ مودی نے دہلی کی ترقی کا جو نقشہ کھینچا ہے، طے وقت پر ان کاموں کو پورا کرنے کی منصوبہ بندی بھی  کی گئی ہے ۔ترقی کے کام کرنے کی نئی روایت  ملک کے عوام کے سامنے وزیر اعظم نے رکھی ہے۔ سابق وزیر اعظم اندرا گاندھی کے 1984 میں ہوئے قتل کے بعد دارالحکومت اور ملک کے مختلف حصوں میں سکھوں کے تئیں بھڑکے فسادات کا ذکر کرتے ہوئے انہوں نے کہا کہ اتنے سالوں تک کانگرس کی حکومت میں مظلوموں کو کبھی انصاف نہیں ملا۔مودی کی قیادت میں مرکز میں حکومت بنتے ہی فوری طور پر خصوصی تفتیشی ٹیم (ایس آئی ٹی) تشکیل دی گئی اور آج فسادات کرنے والے جیل کے اندر ہیں۔پورا ملک اس بے رحم قتل کو نہیں بھول سکتا۔ ان فسادات میں ہزاروں سکھ بھائیوں کا قتل کر دیا گیا تھا۔