بجنور: یوپی کے بجنور ضلع سے حیران کن معاملہ سامنے آیا ہے۔ ضلع کے چاند پور رہائشی شفیع کو واٹس ایپ پر پاکستان کے ایک نمبر سے "ہاں بھائی کام ہو گیا ، بم رکھ دیا ہے ، چاند پور پر مقصد دھیان رکھنا ، ہندؤوں کو مارنا ہے،  پاکستان زندہ باد" جیسا دھمکی آمیز پیغام آیا ہے۔ جس کے بعد علاقے میں ہلچل مچ گئی ہے۔ پولیس نے تفتیش کے بعد ایک نوجوان ساحل کو گرفتار کیا ہے، جس نے انسٹاگرام تنازعے میں  شفیع کو پھنسانے کے لیے اپنے پاکستانی فالور سے 11 اکتوبر کو یہ پیغام بھجوایا تھا۔ ساحل نے اپنے پاکستانی فالور سے پیغام بھجواکر یہ دھمکی آمیز پیغام  شفیع کی انسٹاگرام آئی ڈی پر ڈلوایا ہے۔
انسٹاگرام ویڈیو سے شروع ہوا تنازعہ
پولیس تفتیش میں سامنے آیا ہے کہ چاند پور رہائشی ساحل نے 21 ستمبر کو شیو مندر پر ایک ویڈیو اپلوڈ کی تھی۔ اس کے خلاف  شفیع نے 11 اکتوبر کو اپنی آئی ڈی سے ایک ویڈیو اپلوڈ کی۔ جس کے بعد ساحل  نے غصے میں آ کر کراچی میں رہنے والے اپنے پاکستانی فالور عتیق احمد بھٹ سے شفیع  کو پھنسانے کے لیے واٹس ایپ اور انسٹاگرام پر دھمکی آمیز پیغامات ڈلوائے۔
اے ٹی ایس، آئی بی اور ایل آئی یو کر رہے ہیں پوچھ گچھ، انٹیلی جنس محکمہ الرٹ موڈ پر
صفی کے موبائل پر پاکستان سے بھیجے گئے پیغام نے پولیس محکمہ میں فورا ہلچل مچا دی۔ چار تھانوں کی پولیس فورس نے شہر کی چیکنگ کروائی، لیکن کہیں کوئی مشتبہ چیز نہیں ملی۔ پولیس نے ساحل کا موبائل ضبط کر لیا ہے، جس سے پاکستانی فالور سے بات چیت اور دھمکی آمیز پیغامات کے اسکرین شاٹس برآمد ہوئے ہیں۔ پولیس اب ساحل سے پوچھ گچھ کر رہی ہے کہ وہ کب سے پاکستانی فالور کے رابطے میں تھا۔ اس سنگین معاملے کو دیکھتے ہوئے ایل آئی یو، پولیس، اے ٹی ایس اور آئی بی کی ٹیمیں مل کر ساحل سے گہری پوچھ گچھ کر رہی ہیں۔ انٹیلی جنس محکمہ بھی الرٹ موڈ پر ہے۔