جواہرلال نہرو یونیورسٹی میں فیس اضافہ کی مخالفت کر رہے طالب علموں کو لے کر سادھوی پراچی نے بڑا بیان دیا ہے۔انہوں نے کہا کہ لاکھ روپے کا موبائل رکھنے والے طالب علم فیس میں اضافہ کی مخالفت کر رہے ہیں۔انہوں نے کہا کہ اتنے مہنگے موبائل رکھنے والے طالب علم ملک مخالف سرگرمیوں میں شامل ہو سکتے ہیں۔
پراچی نے کہا کہ فیس اضافے کو ایشو بنا کر طالب علم وزیر اعظم نریندر مودی کو بدنام کرنے کی سازش کر رہے ہیں ہے۔ ہندووادی لیڈر سادھوی پراچی نے کہا کہ میرٹ کی بنیاد پر جے این یو میں طالب علموں کی فیس معاف ہونا چاہئے۔
بتا دیں کہ جے این یو کے طالب علم ہاسٹل فیس میں اضافہ کو لے کر تحریک چلا رہے ہیں۔ طالب علموں کا کہنا ہے کہ وائس چانسلر کے نئے حکم کے بعد جے این یو ملک کا سب سے مہنگی یونیورسٹی بن جائے گی۔ طالب علموں کے احتجاج کو دیکھتے ہوئے جے این یو انتظامیہ نے اضافہ فیس میں کچھ کمی بھی کر دی ہے۔اس کے باوجود طالب علموں کا کہنا ہے کہ جے این یو کی اضافی فیس اسٹرکچر ملک کے دوسری اہم یونیورسٹیوں کے مقابلے میں زیادہ ہے۔