انٹرنیشنل ڈیسک: روس کی خاتون باکسر نے سوشل میڈیا پر ایسا کام کر دیا جس نے انٹرنیٹ پر طوفان برپا کردیا۔ یہ خاتون کوئی اور نہیں بلکہ 24 سالہ ایناستاسیا لوچکینا ہیں جو کہ پیشے کے اعتبار سے ایک پیشہ ور باکسر ہیں۔ درحقیقت ایناستاسیا کریمیا کے تائیگن سفاری پارک کی سیر کے لیے گئی ہوئی تھی، جہاں انہوں نے ایک مادہ آرنگوٹان ڈانا کو دیکھ کر کچھ ایسا کر دیا کہ سب حیران رہ گئے۔
ایناستاسیا نے ویوز بٹورنے کے چکر میں ایک ایسا ویڈیو بنایا ، جس کو دیکھ کر ہر کوئی حیران رہ گیا ۔  ویڈیو میں، وہ پہلے خود ویپ (الیکٹرانک سگریٹ)پیتے ہوئے  دکھتی ہیں اور پھر وہی ویپ آرنگوٹان ڈانا کو دیتی ہیں۔ ویڈیو میں ڈانا کو کئی بار ویپ  میں کش لگاتے ہونے  اور دھواں چھوڑتے ہوئے دیکھا گیا تھا۔

https://x.com/CollinRugg/status/1940535714602799528
نشہ کا اثرجانور پر صاف دکھا
ویڈیو سامنے آنے کے بعد بتایا گیا کہ اس واقعے کا آرنگوٹان ڈانا پر برا اثر پڑا ہے۔  اس کو کھانے میں دلچسپی نہیں رہی ، وہ لوگوں سے دوری بنانے لگی  اور زیادہ تر وقت سست  پڑی رہی۔ پارک انتظامیہ کے مطابق تائیگن سفاری پارک کے قوانین کے تحت کسی بھی جانور کو چھیڑنا یا کوئی چیز دینا مکمل طور پر ممنوع ہے۔
ایناستاسیا کی طرف سے ان قوانین کی خلاف ورزی کے نتیجے میں اب پارک سے پابندی لگ سکتی ہے اور اس پر مالی جرمانہ عائد کیا جا سکتا ہے۔ اس کے علاوہ روسی باکسنگ فیڈریشن نے بھی معاملے کو سنجیدگی سے لیا ہے اور تادیبی کارروائی پر غور کیا جا رہا ہے۔
کوچ نے کیا بھی حیرت کا اظہار 
ایناستاسیا کے کوچ ولادیمیر اکاتوف نے کہا کہ وہ نہیں جانتے تھے کہ لوچکینا سگریٹ پیتی ہیں۔ انہوں نے یہ بھی کہا کہ وہ واپسی کے بعد اس موضوع پر بات کریں گے اور صورتحال کو سمجھنے کی کوشش کریں گے۔
لوگوں کا غصہ پھوٹا، سخت کارروائی کا مطالبہ
سب سے چونکا دینے والی بات یہ ہے کہ ایناستاسیہ نے خود یہ ویڈیو سوشل میڈیا پر پوسٹ کی جس کے بعد لوگ غصے میں آگئے۔ سوشل میڈیا پر صارفین نے اس عمل کو غیر ذمہ دارانہ اور جانوروں کے لیے ظالمانہ قرار دیا۔
کئی لوگوں نے ان  کے خلاف سخت سزا کا مطالبہ کیا ہے۔ کچھ نے تو یہاں تک کہا کہ ان کے باکسنگ کیریئر پر پابندی لگا دی جائے یا انہیں جیل بھیج دیا جائے۔ جانوروں کے حقوق کی تنظیموں نے بھی اس ویڈیو پر تشویش کا اظہار کیا ہے۔