ممبئی : جمعہ کے روز ای ڈی نے سشانت سنگھ راجپوت معاملے میں اداکارہ ریا چکرورتی نے پوچھ تاچھ کی تھی ۔ای ڈی آفس میں ریا سے تقریباً 8 گھنٹے پوچھ تاچھ ہوئی ۔ اس دوران ریا  کے ساتھ ان کے بھائی شووک چکرورتی، ان کی بزنس  منیجر شروتی مودی اور ریا کے سی اے رتیش شاہ کے بھی بیان درج ہوئے ہیں۔
 اس درمیان ایک بار پھر ریا کے بھائی کو ای ڈی کے آفس کے باہر دیکھا گیا ہے ۔خبر ہے کہ شووک سے بھی ا ن کے پیسوں کو لیکر پوچھ تاچھ کی جاسکتی ہے۔ اتنا ہی نہیں ریا کے والد کو بھی تفتیش کے لئے بلایا جائے گا ۔

شووک  کے بنک  اسٹیٹمنٹ  سے ثابت ہوتا ہے   سشانت کے کھاتے سے پیسے سیدھے  اس کے کھاتے میں ٹرانسفر کئے گئے تھے ۔ پیسے کوٹک بنک سے ٹرانسفر کئے گئے تھے ۔ ٹائمز ناؤ کے مطابق ، سشانت کے کھاتے سے کبھی بھی بہت بڑا لین دین نہیں ہوا ہے لیکن کئی لین دین ہوئے ہیں۔سشانت کے کھاتے سے شووک کے کھاتے میں  سب سے بڑا لین دین 40000 روپے  10 جون 2019 کو  کیا گیا تھا ۔ اس کے علاوہ  اس سے بھی کم کے کئی لین دین کئے گئے تھے ۔

بتادیں کہ شووک  چکرورتی کے بارے میں کہا جاتا ہے کہ وہ سشانت کی کمپنی میں حصہ دار رہ چکے ہیں ۔ ایسی جانکاری سامنے آئی تھی کہ سشانت کی بنائی تین کمپنیوں میں سے دو میں ریا چکرورتی خود ڈائریکٹر تھیں ، جبکہ ایک کمپنی میں شووک ڈائریکٹر کے عہدے پر تھے ۔