گواہاٹی / اگر تلا: شہریت ترمیمی بل ( کیب) کو پارلیمنٹ کے ذریعے منظوری مل جانے کے بیچ اسے لے کر جاری احتجاجی مظاہروں کے مد نظر آسام کے گواہاٹی اور ڈبرو گڑھ میں غیر معین عرصہ کے کرفیو لگا دیا گیا ۔ آسام کے گواہاٹی اور جورہاٹ میں فوج کو بلا لیا گیا ہے ۔ جبکہ تریپورہ میں آسام رائفلز کے جوانوں کو تعینات کیا گیا ہے ۔
وہیں شمال مشرق میں چل رہی مخالفت کے بعد سپائس جیٹ ، وستارا ، انڈیگو نے آسام جانے والی اپنی تمام پروازوں کو منسوخ کردیا ہے ۔ بتا دیں کہ بدھ کے روز قریب 6 گھنٹے کی بحث کے بعد راجیہ سبھا سے شہریت ترمیمی بل پاس ہوگیا ۔ بل کی حمایت میں 125 جبکہ مخالفت میں 99 ووٹ پڑے ۔ کانگرس ، ٹی ایم سی نے اس بل کی مخالفت کی اور اسے آئین کے خلاف بتایا ۔