جموں کشمیر کے سابق وزیر اعلیٰ عمر عبداللہ کے لئے اداکارہ پوجا بیدی نے ٹویٹ کیا ہے۔ پوجا بیدی نے گزشتہ ماہ آرٹیکل 370 ہٹنے کے بعد سے نظربند رکھے گئے جموں و کشمیر کے سابق وزیر اعلیٰ عمر عبداللہ کی رہائی کے لئے حکومت سے گزارش کی ہے۔پوجا نے ٹویٹ کیا، وہ میرے بیچ میٹ اور فیملی فرینڈ ہیں۔امید کرتی ہوں کہ ان کی رہائی کے لئے حکومت جلد کوئی منصوبہ بنائے گی، کیونکہ یہ ہمیشہ نہیں رہ سکتا۔جلد حل کیا جانا چاہئے۔پوجا نے ٹویٹ میں وزیر اعظم کے دفتر، مرکزی وزیر داخلہ امت شاہ اور کچھ صحافیوں کو بھی ٹیگ کیا ہے۔

بتادیں کہ پانچ اگست کو جموں کشمیر کا خصوصی درجہ ختم کیا گیا تھا۔اس کے بعد سے ہی کئی لیڈروں کو نظربند کیا گیا ہے۔گزشتہ روز خبر آئی تھی کہ عمر کے قریبی رشتہ داروں کو ان سے ملنے کی اجازت دی جا رہی ہے۔ بتا دیں عمر کے والد اور جموں کشمیر کے سابق وزیر اعلیٰ فاروق عبداللہ بھی نظربند ہیں۔

بات کریں پوجا  بیدی کی تو انہوں نے اسی سال مانیک کا نٹریکٹرسے منگنی کی ہے۔پوجا بیدی  48 سال کی ہیں، اور ان کے طلاق کو تقریبا ً16 سال ہو چکے ہیں۔پوجا  بیدی کا 2003 میں فرحان فرنیچروالا سے شادی کے 12 سال بعد طلاق ہو گیا تھا۔فرحان سے ان کے دو بچے  عالیہ فرنیچروالا اور بیٹا عمر ابراہیم ہیں۔پوجا  بیدی کی بیٹی عالیہ فرنیچروالا بالی وڈ میں اپنے کیریئر کا آغاز کرنے جا رہی ہیں۔عالیہ ڈائریکٹر نتن کاکڑ کی فلم ' جوانی جان من' میں میں سیف علی   خان کے ساتھ طرح نظر آئے گا۔