سرینگر: جموں کشمیر سے دفعہ 370 کی منسوخی کے بعد سے ہی صوبے کے سابق وزیر اعلیٰ اور نیشنل کانفرنس کے لیڈر عمر عبداللہ نظر بند ہیں ۔ فی الحال عمر عبداللہ کی ایک تصویر سامنے آئی ہے جو سوشل میڈیا پر کافی وائرل ہورہی ہے ۔ تصویر کو دیکھ کر عمر عبداللہ کو پہچان پانا مشکل سا لگتا ہے ۔ وائرل فوٹو میں عمر آسمانی رنگ کی قیمیص پہنے نظر آرہے ہیں ۔ ان کی داڑھی بڑھی ہوئی اور سفید نظر آرہی ہے ۔ حالانکہ یہ جانکاری نہیں ہے کہ تصویر کب کی ہے لیکن کہا جارہا ہے کہ نیشنل کانفرنس کے ایک لیڈر نے اس تصاویر کو عام کیا ہے ۔
قابل ذکر ہے کہ گذشتہ دو مہینے سے زیادہ سے عمر عبداللہ کو عام طور پر نہیں دیکھا گیا ہے ۔ گذشتہ مہینے ان کی بہن ان سے ملنے پہنچی تھیں ۔ دفعہ 370 کی منسوخی کے فیصلے کے بعد سے حکومت جموں کشمیر میں پابندی لگا دی اور کئی لیڈروں کو حراست یا گھر میں نظر بند کردیا ۔