پہلے سے ہی صحت کے مسائل سے دو چار پاکستان کے سابق وزیر اعظم نواز شریف کو دل کا دورہ پڑا ہے۔نواز شریف پہلے ہی لاہور کے سروسز ہسپتال میں داخل ہیں۔ ہسپتال میں ہی انہیں دل کا دورہ پڑا ہے۔دل کا دورہ پڑنے کے بعد ڈاکٹروں نے ان کی نگرانی مزید بڑھا دی ہے۔
ڈاکٹروں کا کہنا ہے کہ یہ دل کا دورہ ہلکے قسم کا ہے۔ ڈاکٹروں نے نواز شریف کا آئی سی جی ،کارڈیوگرفی ٹیسٹ کروایا ہے۔اس کی رپورٹ آنے کے بعد ان کی بیماری کا صحیح پتہ چل پائے گا۔بتا دیں کہ کرپشن کیس میں سزا کاٹ رہے نواز شریف پہلے ہی شدید بیمار تھے۔ان بلڈ پلیٹ لیٹس  کاؤنٹ گر کر 12 ہزار تک پہنچ گیا تھا۔

ایک دن پہلے لاہور ہائی کورٹ نے چودھری شوگر مل کرپشن کیس میں سابق وزیر اعظم نواز شریف کو میڈیکل بنیاد پر ضمانت دے دی تھی ۔ڈان نیوز کی رپورٹ کے مطابق، پاکستان مسلم لیگ-نواز (پی ایم ایل-این )کے صدر شہباز شریف نے اپنے بھائی سابق وزیر اعظم نواز شریف کی رہائی کے لئے ضمانت عرضی دائر کی تھی۔نواز فی الحال قومی احتساب بیورو (نیب)کی حراست کے ساتھ لاہور کے سروس ہسپتال میں داخل ہیں۔