پاکستان کے ایک لیڈر نے پاکستان کے سابق وزیر اعظم نواز شریف کو آہستہ آہستہ  دینے کی سازش کا انکشاف کر سنسنی پھیلا دی ہے۔متحدہ قومی موومنٹ کے بانی الطاف حسین کا دعویٰ ہے کہ آہستہ آہستہ موت کے قریب لیجانے کے لئے نواز کو زہر دیا جا رہا ہے۔الطاف نے برطانیہ میں پناہ لے رکھی ہے اور وہ لندن میں رہتے ہیں۔ متحدہ قومی موومنٹ کے بانی الطاف حسین نے دعوی ٰکیا ہے کہ نواز شریف کو پولونیم نام کا زہر دیا جا رہا ہے۔
ایک  خبر رساں ایجنسی  کی رپورٹ کے مطابق انہوں نے کہا کہ جس طرح سے یاسر عرفات کو  دھیمہ زہر دے کر مار دیا گیا اسی طرح کی سازش نواز شریف کے ساتھ کی جا رہی ہے۔یاسر عرفات کی موت 2004 میں ہوئی تھی۔الطاف حسین نے سب سے پہلے 2 نومبر کو ٹویٹ کیا تھاکہ ' نواز شریف کے جسم میں پلیٹلیٹس کاؤنٹ گر رہا ہے۔ یہ ایک جانا مانا حقیقت ہے کہ پولونیم  کا استعمال دشمنوں کو ختم کرنے میں ہوتا ہے۔

یہ دھیمے زہر کے طور پر کام کرتا ہے اور پلیٹلیٹس کو  تباہ کر دیتا ہے۔صرف ماہر ریڈیوایکیٹو لیبارٹریوں میں ہی اس کی تصدیق کی جا سکتی ہے ،اس لئے بین الاقوامی لیب کو اس کی جانچ پڑتال کرنی چاہئے۔ منگل کو انہوں نے اپنے ٹویٹر ہینڈل پر ایک ریسرچ آرٹیکل شیئرکیا جس کا عنوان تھا، 'پولونیم اے پر فیکٹ پائزن' انہوں نے لکھاکہ' پیارے طلباء اور حامیوں، 2 نومبر کو میں نے ایک ٹویٹ کیا اس پر آپ نے کئی سارے سوال پوچھے، 'پولونیم اے پرفیکٹ پائزن' میرا ریسرچ آرٹیکل ہے، میں نے اس موضوع پر جواب دینے کی پوری کوشش کی ہے، براہ مہربانی اسے احتیاط سے پڑھیں۔