آنند:  وزیر اعظم نریندر مودی نے جمعرات کو گجرات کے آنند میں کہا کہ ان کا ہر لمحہ ملک کو ترقی یافتہ بنانے کے لئے  ہے۔ آنند، گجرات میں ایک بہت بڑے جلسہ عام سے خطاب کرتے ہوئے مسٹر مودی نے کہا کہ یہ ان کے لیے حیرت کی بات ہے، آنند کے اس بڑے زعفرانی سمندر کو دیکھ کر انہیں لگتا ہے کہ اس نے آج تمام ریکارڈ توڑ دیے ہیں۔ آنند اور کھیڑا اس الیکشن میں بھی تمام ریکارڈ توڑ دیں گے۔
انہوں نے کہا کہ اب جب کہ آپ نے مجھے ملک کا کام سونپا ہے، میرا صرف ایک خواب کہ 2047 میں جب ہندوستان کی آزادی کے 100 سال مکمل ہوں گے تو ہمارا ہندوستان ایک ترقی یافتہ ہندوستان ہونا چاہئے اور ہمارا گجرات بھی ایک ترقی یافتہ ہندوستان ہونا چاہئے۔ وزیر اعظم نے کہا کہ آنند کھیڑا کے لوگوں کو یہ بتانے کی ضرورت نہیں ہے کہ ترقی یافتہ کا مطلب کیا ہے، کیونکہ انہوں نے تو پوری دنیا دیکھی ہے۔ خوشحال دنیا کیسی ہو، انہیں معلوم ہے۔
پیش رفت کیسی ہو، انہوں نے دیکھا ہے۔ ان کے خاندان کے افراد آج بھی دنیا کے امیر ممالک میں رہتے ہیں۔ ہمیں ایسا ترقی یافتہ ہندوستان بنانا ہے اور اس کے لیے میرا ہر لمحہ آپ کے اور ملک کے لیے ہے۔ میں نے ملک کو گارنٹی دی ہے، 24x7 اور 2047، اس عظیم کام کے لئے  140 کروڑ ہم وطنوں کے خوابوں کو پورا کرنے کے لئے مجھے آپ کا اور سردار صاحب کی سرزمین کا آشیرواد چاہیے۔ پورے ملک سے آشیرواد حاصل ہو اور جب سردار صاحب کی سرزمین سے آشیرواد ملے تو اسے چارچاند لگ جائے۔ اسی لیے میں آج گجرات کی سرزمین کے پاس  آشیرواد لینے آیا ہوں۔
انہوں نے کہا کہ یہ میری شناخت میں کہا گیا کہ اب پی ایم صاحب بولسے (پی ایم صاحب بولیں گے) کیسا عجیب لگتا ہے اورکہو، نریندربھائی، اپنے نریندربھائی بولنے کا جو لطف ہے وہ پی ایم صاحب بولنے میں نہیں ہے اورجب گھر آئیں اور گھرکے لوگ کہیں، آؤ نریندربھائی کیم چھو (نریندر بھائی کیسے ہیں)۔ یہ سن کر اچھا لگتا ہے۔ اس لیے مجھے گجرات کا کوئی بھائی ملے اورکہے اونریندربھائی تو میں سمجھ جاتا ہوں اور دنیا کے کسی بھی ملک میں جاؤں، تو ایک نہ ایک شخص مل ہی جاتا ہے۔ آپ کی یہی محبت اور آشیرواد واقعی میری زندگی کا بہت بڑا اثاثہ ہیں۔