ممبئی : ممبئی میں نئے سال کے جشن کے دوران شراب پی کر گاڑی چلانے اور دیگر ٹریفک قوانین کی خلاف ورزی کو لے کر ٹریفک پولیس نے 1878 لوگوں پر جرمانہ لگایا ۔ پولیس نے بدھ کے روز یہ اطلاع دی ۔ 

پولیس کے ایک سینئر پولیس افسر نے بتایا کہ ممبئی میں منگل کی دیر رات سے لے کر بدھ کی صبح 6 بجے کے درمیان 5338 لوگوں کی جانچ کی گئی ۔ افسر نے بتایا کہ جانچ کے دوران شراب پی کر گاڑی چلانے کو لے کر 778 لوگوں پر جرمانی لگایا گیا ۔ ان میں 578 چار پہیہ گاڑی ڈرائیور اور 200 دوپہیہ گاڑی ڈرائیور شامل ہیں ۔ 

افسر نے بتایا کہ گذشتہ سال اس جرم کیلئے 433 لوگوں کو پکڑا گیا تھا ۔ مشترکہ پولیس کمشنر ( ٹریفک ) مدھوکر  نے بتایا کہ ہم نے ٹریفک قوانین کی مخالفت کرنے کیلئے 1100 گاڑی ڈرائیوروں کو سزا دی ۔  ان میں 601 لوگوں کو لال بتی پار کرنے ، 258 لوگوں کو دوپہیہ گاڑیوں پر  تین سواریاں بیٹھانے اور 241 لوگوں کو طے حد سے زیادہ رفتار سے گاڑی چلانے کیلئے پکڑا گیا ۔