پشاور: پاکستان میں ہندو اور سکھ لڑکیوں کو اغوا کے بعد تبدیلی مذہب کرا جبری شادی کے واقعات رکنے کا نام نہیں لے رہے ہیں۔کراچی کے ڈیفنس ہاؤسنگ اتھارٹی( ڈی ایچ اے) علاقے سے 13 دسمبر کو لاپتہ ہوئی مہک کیسوانی (22) کو لے کر بھی ایسا ہی خدشہ ظاہر کیا جارہا ہے۔سوشل میڈیا پر مہک کا ایک ویڈیو آنے کے بعد یہ خدشہ دعوے میں بدل گیا ہے۔اس معاملے  میں 3 ویڈیوز وائرل ہو رہے ہیں
ایک ویڈیو میں مہک کو کہتے سنا جا سکتا ہے کہ اس نے مذہب اسلام اپنا کر ایک مسلمان لڑکے سے شادی کر لی ہے۔ مہک نے اپنا نیا نام مہک فاطمہ بتایا ہے۔دوسری ویڈیو میں اپنے مبینہ شوہر عشر کے ساتھ بیٹھی نظر آرہی مہک یہ کہتے سنی جا سکتی ہیں کہ ' میں، مہک فاطمہ، نے اپنی مرضی سے اسلام قبول کیا ہے اور اپنے ہم جماعت دوست محمد عشر کے ساتھ شادی کر لی ہے۔میں اسکول کے وقت سے ہی اسلام سے متاثر تھی۔ وقت کے ساتھ میری اسلام میں دلچسپی بڑھتی گئی اور میں نے اسلام سیکھنا شروع کر دیا۔ یہ میرے گھر والوں کو پسند نہیں تھا، انہوںنے مجھے یونیورسٹی جانے سے منع کر دیا۔

https://www.youtube.com/watch?v=mBMOc2Y8NKM&feature=emb_logo
مہک ویڈیو میں یہ بھی کہہ رہی ہے  کہ اس سے والدین اسے ہندوستان لے گئے اور وہیں اس کی شادی کرنا چاہتے تھے۔ مہک کے مطابق اس کے گھر والے نہیں چاہتے تھے کہ وہ پاکستان میں رہے اور مسلمانوں سے بات چیت کرے۔ مہک کے مطابق اس نے والدین کو انکار کر دیا کہ وہ بھارت میں نہیں رہنا چاہتی تو وہ اسے پاکستان واپس لے آئے۔ویڈیو میں مہک کو کہتے سنا جا سکتا ہے کہ 'پاکستان واپس آنے پر ہندو کمیونٹی نے مجھ پر جھوٹے الزام لگانا شروع کر دئیے ۔ساتھ ہی میرے تعلقات کے بارے میں جھوٹی کہانیاں پھیلانی شروع کر دیں۔ اس کے بعد میرے خاندان نے میرے گھر سے باہر نکلنے پر روک لگا دی۔میرے گھر والوں نے مجھے لندن بھیجنے کی کوشش کی، لیکن میرا ویزا منسوخ ہو گیا۔مسلسل الزامات سے میں تنگ آ گئی اور میں نے گھر چھوڑ دیا۔میں نے درگاہ برچنڈی شریف پر اسلام قبول کیا۔ ویڈیوز بیان کو اردو اور سندھی میں ریکارڈ کیا گیا ہے۔

اس معاملے میں سب سے اہم ہے کہ مہک کے گھر سے فرار ہونے کے بعد عشر اور وہ براہ راست صوبہ سندھ کے گھوٹی ضلع کے دھیرکی  کے پاس برچنڈی شریف درگاہ پہنچے۔اس درگاہ کو انتظام میاں مٹھو کے پاس ہے۔میاں مٹھو کو پاکستان میں ہندو برادری کے کئی  لوگوں کے تبدیلی مذہب کے پیچھے بتایا جاتا۔میاں مٹھو کے بھتیجے میاں جاوید نے ہی مہک کو پہلے اسلام قبول کرایا اور پھر عشر کے ساتھ نکاح کرایا۔اس کے علاوہ ایک اور یعنی تیسری ویڈیو بھی وائرل ہو رہی ہے جس میں مہک  کے خاندان والے کراچی پریس کلب کے سامنے مظاہرہ کرتے دکھائی دے رہے ہیں۔

اس ویڈیو میں مہک کے چچا نے الزام لگایا کہ 5 دن سے مہک کا کوئی اتہ پتہ نہیں۔اس کے بعد اچانک 18 سیکنڈ کا کلپ سامنے آتا ہے جس میں مہک مرضی سے اسلام قبول کرنے  کی بات کہہ رہی ہے۔ انہوں نے کہا کہ صرف 2 دن کے لئے ان کی بھتیجی کو خاندان کے حوالے کر دیا جائے اس کے بعد جو وہ کہے گی اس کی مرضی کے مطابق فیصلہ لیا جائے گا۔