اسلام آباد:چودھری شوگر مل معاملہ میں لاہور کی کوٹ لکھپت جیل میں عدالتی حراست میں قید پاکستان کے سابق وزیر اعظم نواز شریف کی بیٹی اور پاکستان مسلم لیگ (نواز)کی نائب صدر مریم نواز شریف کو ایک چھوٹے سے کمرے میں رکھا گیا ہے جس میں کھٹمل اور مچھروں کی بھرمار ہے۔
نواز شریف کے پرائیویٹ ڈاکٹر عدنان خان نے دعویٰ کیا ہے کہ عدالتی احکامات کے باوجود مریم کو جیل کیافسران مکمل سہولات مہیا نہیں کرا رہے ہیں۔
مریم اور ان کے کزن یوسف عباس کو چودھری شوگر مل معاملہ میں لاہور کی ایک احتساب عدالت نے گزشتہ ماہ عدالتی حراست میں بھیج دیاتھا۔
ڈاکٹر عدنان خان نے جمعہ کو میڈیا میں جاری ایک بیان میں عدالت کے احکامات کے باوجود جیل افسران کے مریم کو جیل میں بہتر سہولات مہیا نہیں کرانے پر ناراضگی ظاہر کی ۔ ڈاکٹر خان نے مریم کو لاہور کی کوٹ لکھپت جیل میں ایک چھوٹے کمرے میں رکھا گیا ہے اور اس کمرے میں بنیادی سہولات بھی نہیں ہیں، کھٹمل اور مچھروں کی بھر مار ہے ۔ مریم کو جیل میں گھر میں بنا کھانا مہیا کرانے کی بھی جیل افسروں نے اجازت نہیں دی ہے ۔
انہوں نے کہا کہ احکامات کے مطابق مریم بہتر جیل سہولات کی حقدار ہیں ۔ ڈاکٹر خان نے جیل افسروں سے مریم کو فوری طور پر سہولات مہیا کرانے کی گذارش کی ہے ۔