نئی دہلی : نائب صدر جمہوریہ ایم وینکیا نائیڈو نے جمعہ کو بالواسطہ  طور سے پاکستان پر نشانہ سادھتے ہوئے کہا کہ سنگین اکساوے کے باوجود ہندوستان صبر سے کام لے رہا ہے لیکن اگر حملہ ہوا تو ایسا جواب دیاجائے گا کہ وہ بھول نہیں پائیں گے ۔  انہوں نے صدر رامناتھ کووند کے اپنی میعاد کے دوسرے سال کے دوران دی گئیں 95 تقاریر کے ایک مجموعے  کے اجراء کے موقع پر یہ تبصرہ کیا ۔ 

نائیڈو نے کسی ملک کا نام لئے بغیر کہا کہ جیسا کہ آپ دیکھ رہے ہوں گے ، شدید اکساوے  کے باوجود ، ہم کچھ نہیں کررہے ہیں ، لیکن اگر کوئی آپ پر حملہ کرتا ہے تو ہم انہیں ایسا جواب دیں گے جسے وہ اپنی زندگی بھر بھول نہیں پائیں گے ۔ انہوں نے مزید کہا کہ یہ اکسانے والوں سمیت سبھی کو سمجھ جانا چاہئے ۔ ان کا  یہ تبصرہ جموں کشمیر کو خاص درجہ دینے والی آئین کی دفعہ 370 کی زیادہ تر شقوں کو ختم کئے جانے کے بعد ہندوستان اور پاکستان میں بڑھی کشیدگی  کے بیچ آیا ہے ۔