پیرس: وزیر خارجہ ایس جے شنکر نے جمعرات کو یہاں صدر ایمانوئل میکرون سے ملاقات کی اور دہشت گردی کے خلاف جنگ میں فرانس کی حمایت کے مضبوط پیغام کے لیے ان کا شکریہ ادا کیا۔ جے شنکر دوطرفہ تعلقات کو فروغ دینے اور دہشت گردی کے تئیں ہندوستان کی زیرو ٹالرینس کی پالیسی کو اجاگر کرنے کے لیے یورپ کے تین ملکوں کے دورے پر ہیں۔ یہ دورہ 22 اپریل کو پہلگام دہشت گردانہ حملے کے پس منظر میں ہو رہا ہے۔
جے شنکر نے ملاقات کے بعد 'X' پر ایک پوسٹ میں کہا،فرانس کے صدر ایمانوئل میکرون سے مل کر مجھے اعزاز حاصل ہے۔ وزیر اعظم نریندر مودی کا انہیں مبارکباد پہنچایا۔ دہشت گردی کے خلاف جنگ میں فرانس کی حمایت کے مضبوط پیغام کے لیے ان کا شکریہ ادا کیا۔ انہوں نے کہا،ہماری بات چیت نے ہماری اسٹریٹجک شراکت داری کے تئیں اعتماد، سکون اور خواہش کی عکاسی کی۔
جے شنکر بدھ کو برسلز میں تھے، جہاں انہوں نے یورپی یونین (EU) کے سرکردہ رہنماو¿ں سے ملاقات کی اور EU-India اسٹریٹجک شراکت داری کو مزید مضبوط کرنے کے طریقوں پر تبادلہ خیال کیا۔ پہلگام دہشت گردانہ حملے میں 26 افراد ہلاک ہوئے تھے، جس کے بعد ہندوستان نے 6-7 مئی کی رات کو پاکستان اور پاکستان کے زیر قبضہ کشمیر میں دہشت گردی کے بنیادی ڈھانچے پر درست حملے کیے تھے۔