نیشنل ڈیسک: مغربی ایشیا میں ایران اور اسرائیل کے درمیان جاری عسکری ٹکراؤ  اب دونوں ممالک کی سرحدوں سے باہر پھیلتا نظر آ رہا ہے۔ حالات اس وقت مزید سنگین ہو گئے جب ایران نے اسرائیل کے ساتھ ساتھ ان خلیجی ممالک کو بھی نشانہ بنایا، جہاں امریکہ کے عسکری ٹھکانے موجود ہیں۔ ہفتے کی صبح کے وقت اسرائیل کی سمت میں کئی میزائل داغے گئے، جنہیں روکنے کے لیے اسرائیلی فضائی دفاعی نظام فوری طور پر فعال کر دیا گیا۔ کئی میزائلوں کو ہوا میں ہی روکنے کی کوشش کی گئی۔ جوابی کارروائی میں اسرائیل نے ایران کے دارالحکومت تہران میں بنیادی ڈھانچے کو نشانہ بناتے ہوئے زبردست ہوائی حملے کیے۔
سابق کرکٹر کامران خان کا بیان وائرل ہوا
اس دوران ہندوستان  کے سابق کرکٹر کامران خان کا ایک بیان سوشل میڈیا پر تیزی سے وائرل ہو رہا ہے۔ 34 سالہ تیز گیند باز نے دعوی کیا کہ اگر دوسرے ممالک اس جنگ سے دور رہیں اور صرف ایران اور اسرائیل آمنے سامنے لڑیں، تو ایران محض 24 گھنٹوں میں اسرائیل کو شکست دے سکتا ہے۔ کامران نے فیس بک پر پوسٹ کیے گئے ایک ویڈیو میں کہا کہ امریکہ، سعودی عرب، بحرین، قطر اور عمان جیسے ممالک کو اس تنازع سے دور رہنا چاہیے۔ ان کا کہنا تھا کہ ایران انتہائی طاقتور ملک ہے اور وہاں کی عوام بھی کھل کر حکومت کے ساتھ کھڑی ہے۔
آئی پی ایل میں راجستھان رائلز کے لیے کھیل چکے ہیں کامران
کامران خان کو کرکٹ کے شائقین انڈین پریمیئر لیگ میں ان کی کارکردگی کے لیے یاد کرتے ہیں۔ بائیں ہاتھ کے تیز گیند باز کے طور پر انہوں نے راجستھان رائلز کے لیے کھیلتے ہوئے کافی شہرت حاصل کی۔ بعد میں وہ پونے واریئرز انڈیا کی ٹیم کا بھی حصہ رہے۔ آئی پی ایل میں انہوں نے کل 9 میچز کھیلے اور تقریبا 25 کی اوسط سے 9 وکٹیں اپنے نام کیں۔ گھریلو کرکٹ میں انہوں نے اتر پردیش کے لیے دو فرسٹ کلاس میچز کھیلے، جن میں ان کے کھاتے میں 5 وکٹیں درج ہیں۔
لبنان میں بھی اسرائیل کے حملے، ہزاروں لوگ بے گھر
ایران کے ساتھ جاری ٹکرا ؤکے دوران اسرائیل نے پڑوسی ملک لبنان میں بھی کئی عسکری حملے کیے ہیں۔ اسرائیل کا کہنا ہے کہ ان حملوں کا ہدف ایران کے حمایتی حزب اللہ کے ٹھکانے تھے۔ دارالحکومت بیروت کے جنوبی علاقوں میں بمباری بڑھنے کے بعد بڑی تعداد میں لوگوں نے نقل مکانی شروع کر دی۔ نارسویجین ریفیوجی کونسل کے مطابق حالیہ حملوں کے بعد لبنان میں تقریباً تین لاکھ لوگ بے گھر ہو چکے ہیں۔
تنازع میں بڑھتا جا رہا ہلاکتوں کاآنکڑہ 
لبنان کے محکمہ صحت کے مطابق اسرائیلی حملوں میں اب تک 123 افراد ہلاک ہو چکے ہیں اور 683  سے زائد زخمی ہوئے ہیں۔ دوسری طرف ایران سے منسلک میڈیا تنظیموں نے بتایا کہ تہران کے مہرباد ایئرپورٹ کو بھی نشانہ بنایا گیا۔ اقوام متحدہ میں ایران کے سفیر امیر سعید ایراانی نے دعوی کیا کہ امریکہ اور اسرائیل کے حملوں میں اب تک 1332 ایرانی شہری ہلاک ہو چکے ہیں۔ جبکہ ایران کی جانب سے کیے گئے حملوں میں اسرائیل میں 11 افراد ہلاک ہوئے ہیں۔ اس تنازع میں کم از کم 6 امریکی فوجیوں کے ہلاک ہونے کی بھی خبریں سامنے آئی ہیں۔