نیشنل ڈیسک:2025 میں ہندوستان میں آئی فون کی فروخت کا آنکڑا  12.1 بلین ڈالر (1 لاکھ کروڑ روپے سے زائد)تک پہنچنے کی توقع ہے۔ 2024 میں یہ تعداد 10.8 بلین ڈالر تھی۔ 0یہ اضافہ ظاہر کرتا ہے کہ ہندوستان میں ایپل کی گرفت مسلسل مضبوط ہوتی جارہی ہے۔ کمپنی کی حکمت عملی اب مزید مقامی مینوفیکچرنگ، آف لائن اسٹورز اور سستی فنانسنگ پر توجہ مرکوز کر رہی ہے۔
IDC کی سینئر ریسرچ مینیجر اپاسنا جوشی نے کہا، 2025 کی جنوری-مارچ سہ ماہی میں ایپل کا ویلیو شیئر 28.5 فیصد تھا، جو کہ پچھلے سال کے مقابلے میں 6.2 فیصد زیادہ ہے۔ جبکہ باقی انڈسٹری میں 1.5 فیصد کمی آئی ہے۔گزشتہ 6 کوارٹر سے ایپل قیمت کے حساب  سے نمبر 1 ہے ۔  2025 میں  ایپل کی مالیت 12,112 ملین ڈالر  تک پہنچنے والی ہے ۔
Canalys کا اندازہ ہے کہ ہندوستان میں آئی فونز 2025 میں 13.9 ملین یونٹس کی فروخت کے ساتھ 11.6 بلین ڈالر سے زیادہ کی آمدنی پیدا کریں گے۔ 2024 میں یہ تعداد 11.8 ملین یونٹس اور 11.2 بلین ڈالر تھی۔
آئی فون کی فروخت کیوں بڑھ رہی ہے؟
- آئی فونز کی اوسط قیمت (ASP) 2024 میں 7.4  فیصد گر کر 871  ڈالر  ہوگئی، جو کہ 2023 میں 941  ڈالرتھی۔ قیمت میں کمی اور پرانے ماڈلز پر چھوٹ اور نو کوسٹ ( بغیر لاگت کے) EMI کی وجہ سے زیادہ لوگ iPhones خرید رہے ہیں۔ IDC کے اعداد و شمار کے مطابق، 2022 میں آئی فونز کا ویلیو شیئر 19  فیصد تھا، جو 2023 میں بڑھ کر 24  فیصد اور 2024 میں 28  فیصد ہو گیا۔ ہر سہ ماہی میں تقریبا 3 ملین یونٹس کی شپمنٹ ہورہی ہے ، جس سے  ایپل ٹاپ 5 برانڈز میں شامل ہے۔
آئی فون 16 اور میڈ ان انڈیا آئی فون 17  سے اور بڑھے گا زور
کینالیس کے تجزیہ کار سیم چورسیا نے کہا، "2025 کی پہلی ششماہی میں، پرانے ماڈلز پر صحیح قیمت اور پروموشنز کی وجہ سے حجم میں اضافہ ہوا ہے۔ اب آئی فون 16 سیریز اور پھر جولائی-اگست میں آئی فون 17 کی لانچنگ میں مزید تیزی آئے گی۔
اس بار ایک بڑی تبدیلی یہ ہوگی کہ میڈ ان انڈیا آئی فون 17 پہلے دن سے دستیاب ہوگا اور 24 ماہ کی صفر کوسٹ ( لاگت والی )EMI اسکیم بھی لانچ کے وقت سے شروع ہوگی۔ اس سے ظاہر ہوتا ہے کہ ایپل اب صرف پریمیم مارکیٹ پر توجہ نہیں دے رہا ہے بلکہ حجم بڑھانے کی حکمت عملی پر بھی کام کر رہا ہے۔ کمپنی اب میٹرو شہروں سے باہر کی مارکیٹوں پر بھی توجہ مرکوز کر رہی ہے۔
میک بک اور آئی پیڈ کی فروخت بھی تیزی سے بڑھ رہی 
- صرف آئی فون ہی نہیں، ایپل کے میک بک اور آئی پیڈ کی فروخت میں بھی زبردست اضافہ دیکھنے میں آرہا ہے۔ آئی ڈی سی کے مطابق، میک اور آئی پیڈ کی  کل آمدنی 2025 میں 1.78 بلین ڈالر تک پہنچ جائے گی، جو گزشتہ سال کے مقابلے میں 38 فیصد زیادہ ہوگی۔ MacBook کی آمدنی 932 ملین ڈالر سے بڑھ کر 1.36 بلین ڈالر ہونے کی توقع ہے۔
آئی پیڈ کی فروخت 359 ملین ڈالر سے بڑھ کر 414 ملین ڈالر تک پہنچ سکتی ہے۔ کینالیس کا اندازہ بھی ہے کہ میک بک کا 1.01 بلین ڈالر اور آئی پیڈ کا 361 ملین ڈالرکاہے۔ طالب علم اور دفتری مانگ، نئے ریٹیل اسٹورز اور پرانے ماڈلز پر چھوٹ اس ترقی کی بڑی وجوہات ہیں۔