انٹرنیشنل ڈیسک: انڈونیشیا میں ہندو مذہب کی ایک عظیم الشان اور تاریخی نشا ة ثانیہ کا مشاہدہ کیا جا رہا ہے۔ جاوا آئی لینڈ کی مقامی جاوا نیج  ہندو کمیونٹی نے ایک بڑی مہم شروع کی ہے ، جس کا نام ہے  "1000 چنڈی نوسنتارا" ۔  اس پروجیکٹ کے تحت انڈونیشیا کے جزیرہ نما نوسنتارا میں 1000 نئے ہندو مندر تعمیر کیے جائیں گے۔ اس کا مقصد قدیم ہندو روایات، ثقافت اور مذہبی ورثے کی تعمیر نو اور احیا ئے نوکرنا ہے۔

https://x.com/viprabuddhi/status/1937826617214333437
اس مہم کا مقصد انڈونیشیا کے مختلف جزائر، خاص طور پر جاوا، بالی، سولاویسی، سماترا اور مشرقی نوسا تینگارا میں تاریخی ہندو ثقافتی مقامات کو زندہ کرنا، مقامی جاوانیج لوگوں میں مذہب اور ثقافت  کے تئیں  فخر کو بحال کرنا، اور ہندو مت کی پرامن اور جامع اقدار کو فروغ دینا ہے۔ یہاں لفظ 'چنڈی' کا مطلب مندر ہے، جو خاص طور پر انڈونیشیا اور ملائیشیا کی ہندو بدھ یادگاروں کے لیے استعمال ہوتا ہے۔
بالی اور جاوا میں قدیم زمانے میں ایسے ہزاروں مندر تعمیر کیے گئے جو آج بھی ثقافت کی پہچان ہیں۔ یہ منصوبہ نہ صرف مذہبی نقطہ نظر سے اہم ہے بلکہ یہ انڈونیشیا کی قدیم ہندو تہذیب، خاص طور پر مجاپہت اور سری وجیہ  سلطنتوں کی یادوں کو بھی زندہ کرتا ہے۔ یہ مندر شاندار ماضی کی عکاسی کرتے ہیں جب انڈونیشیا میں ہندو مذہب کا غلبہ تھا۔ اگرچہ یہ منصوبہ مقامی جاوانیج ہندؤوں نے شروع کیا تھا، لیکن اسے کئی بالی ہندو تنظیموں، ثقافتی گروپوں اور کچھ علاقائی حکومتوں کی بھی حمایت حاصل ہے۔ یہ مہم اب قومی اور بین الاقوامی میڈیا میں بھی موضوع بحث بن چکی ہے۔