نئی دہلی:عمان کے سلطان قابوس بن سعید (79) کے انتقال پر ہندوستان میں ایک دن کے سرکاری سوگ کا اعلان کیا گیا ہے۔مرکزی حکومت نے اعلان کیا ہے کہ پیر کو قومی پرچم کو جھکایا جائے گا اور  ایک دن کا سرکاری سوگ رہے گا۔ خلیجی ملک عمان پر 50 سال تک حکمرانی کرنے والے  سلطان قابوس سعید کا جمعہ کو انتقال ہو گیا تھا۔وزیر اعظم نریندر مودی نے ان کے انتقال پر افسوس ظاہر کیا ہے۔

سلطان کے انتقال کے بعد نہ صرف وزیر اعظم مودی بلکہ صدرکووند اور کانگرس کے سابق صدر راہل گاندھی نے بھی انہیں خراج عقیدت پیش کیا ۔ حکومت ہند نے کل یعنی 13 جنوری کو پورے ملک میں سوگ منانے کا اعلان کیا ۔ ہندوستان میں قومی پرچم نصف لہرایا جائے گا یعنی جھنڈے کو آدھا جھکا دیا جائے گا۔ وہیں سرکاری سطح پر کوئی بھی تقریب منعقد نہیں ہوگی۔ عمان کا قومی پرچم بھی چالیس دن تک سرنگوں رہے گا۔ عمان میں تین دن سوگ منانے کا اعلان کیا گیا ہے۔ واضح رہے کہ سلطان بن قابوس کی تعلیم وتربیت ہندوستان میں ہی ہوئی تھی۔

 شاہی دربار سے جاری  بیان میں بتایا گیا کہ سلطان گزشتہ کچھ وقت کینسر میں مبتلا تھے۔ 1970 میں والد کرنے کے بعد وہ سلطان بنے تھے ۔ قابوس کا کوئی وارث نہیں ہے۔اگرچہ عمانی آئین کے مطابق تخت خالی ہونے کے تین دن کے اندر ہی شاہی خاندان کو جانشین کا اعلان کرنا ہوتا ہے۔اگر خاندان انتخابات نہیں کر پاتا ہے تو خاندان کے نام لکھے گئے خط میں قابوس  کی جانب سے منتخب کردہ شخص کو نیا سلطان بنایا جائے گا۔

عمان کے وزیر ثقافت اور ابوس کے چچا زاد بھائی  بن طارق نے نئے شاہ کے طور پر حلف اٹھا لیا ہے۔ حکومت نے ہفتہ کو ٹویٹ کیا، 'ہاشم بن طارق نے ملک کے نئے سلطان کی حیثیت سے حلف اٹھا لیا۔ خاندان نے آپس میں بات چیت کے بعد انہی کو نیا حکمران بنانے کا فیصلہ لیا جنہیں سلطان نے منتخب کیا  کیا تھا۔