کولمبو: سری لنکا کی کابینہ نے شمالی صوبے میں کانکیسن تھورائی بندرگاہ کی مرمت کا فیصلہ کیا ہے اور ہندوستان  اس منصوبہ کا  61.5 ملین ڈالرکی تمام لاگت برداشت کرنے پر رضامندی ظاہر کی ہے اور اس فیصلے کو چین کے لیے ایک دھچکا سمجھا جا رہا ہے۔ کنکیسنتھورائی بندرگاہ یا کے کے ایس پورٹ، سری لنکا کے شمالی علاقے میں واقع ہے، 16 ایکڑ کے رقبے پر پھیلا ہوا ہے اور یہ پڈوچیری میں کرائیکل پورٹ سے 104 کلومیٹر دور ہے۔
 تمل ناڈو کے ناگاپٹنم کو جافنا کے قریب کنکیسنتھورائی بندرگاہ سے جوڑنے والی براہ راست مسافر بردار جہاز سروس تقریبا ساڑھے تین گھنٹے میں 111 کلومیٹر کا فاصلہ طے کرتی ہے۔ بیان میں کہا گیا ہے کہ "اس پروجیکٹ کی اہمیت کو دیکھتے ہوئے، حکومت ہند نے اس منصوبے کی پوری تخمینہ لاگت برداشت کرنے پر رضامندی ظاہر کی ہے،" اس نے مزید کہا کہ کنسلٹنٹ سروس ایجنسیوں کی عدم دستیابی کی وجہ سے اس منصوبے پر عمل درآمد میں تاخیر ہوئی۔ حکومت کی طرف سے دی گئی لاگت قرض کی متعلقہ رقم سے کہیں زیادہ تھی۔
بیان کے مطابق ، اس کے بعد، پبلک پرائیویٹ پارٹنرشپ کے طریقہ کار کے تحت اس منصوبے کو مکمل کرنے کے امکان کے بارے میں حکومت ہند کے ساتھ مزید بات چیت ہوئی"۔ اس سال مارچ میں اعلان کیا گیا تھا کہ اس منصوبے پر کل 61.5 ملین ڈالر لاگت آئے گی۔