بزنس ڈیسک: عالمی غیر یقینی صورتحال اور امریکی ٹیرف میں اضافے کے خدشات کے باوجود، اپریل 2025 میں ہندوستان کی سمندری غذا کی برآمدات میں 17.81 فیصد کا زبردست اضافہ ہوا ہے۔ وزارت تجارت اور صنعت کے جاری کردہ اعداد و شمار کے مطابق، اس عرصے کے دوران برآمدات بڑھ کر 0.58 بلین ڈالر تک پہنچ گئیں۔
مالی سال 2024-25 میں، ہندوستان نے 16.85 لاکھ میٹرک ٹن سمندری مصنوعات برآمد کیں،  جوحجم کے لحاظ سے 60 فیصد سے زیادہ کا اضافہ ظاہر کرتا ہے ۔ مالیت کے لحاظ سے، یہ برآمدات 7.2 بلین ڈالر تک پہنچ گئیں، جبکہ مالی سال 15 میں یہ تعداد 5.4 بلین ڈالر تھی۔
ہندوستان اب 130 ممالک کو سمندری مصنوعات برآمد کر رہا ہے، جو کہ 2014-15 میں 105  ممالک  کے مقابلے کافی زیادہ  ہے۔ سب سے زیادہ برآمد کی جانے والی مصنوعات فروزن جھینگا ہے،  جو حجم کے لحاظ سے کل برآمدات کا 40  فیصد  اور مالیت کے لحاظ سے 66.12   فیصد تعاون ہے ۔ امریکہ اور چین ہندوستان کی سب سے بڑی منڈی بنے ہوئے ہیں۔
حکومت کی پردھان منتری متسے سمپدا یوجنا (PMMSY) نے اس کامیابی میں اہم کردار ادا کیا ہے۔ اس سکیم کے تحت کئی پہلوؤں میں سرمایہ کاری کی گئی ہے جیسے کہ معیاری مچھلی کی پیداوار، کھارے پانی کی آبی زراعت کی توسیع، برآمد پر مبنی پرجاتیوں کو فروغ دینا، جدید کولڈ چین اور پروسیسنگ کی سہولیات، ٹریسبلٹی (سراغ رسانی ) اور تربیت۔
حکومت کا ہدف ہے کہ سال 2030 تک سمندری مصنوعات کی برآمدات کو 18 بلین ڈالر  (1.57 لاکھ کروڑ)تک بڑھایا جائے۔ اس کے لیے ویژن دستاویز - 2030 تیار کیا گیا ہے، جسے میرین پروڈکٹس ایکسپورٹ ڈیولپمنٹ اتھارٹی (MPEDA) نے تیار کیا ہے۔
MPEDA، جو کامرس اور صنعت کی وزارت کے تحت کام کرتا ہے، ہندوستان کی سمندری مصنوعات کی برآمدات کی نگرانی کے لیے نوڈل باڈی ہے۔ پردھان منتری متسے سمپدا یوجنا (PMMSY) مرکزی حکومت کے ذریعہ مالی سال 2020-21 سے مالی سال 2024-25 تک پانچ سالوں کے لئے  20,050 کروڑ کی سرمایہ کاری کے ساتھ نافذ کی گئی ہے۔ اس سکیم نے ملک بھر میں ماہی گیری اور سمندری مصنوعات کی برآمدات کو نئی بلندیوں تک لے جانے میں اہم کردار ادا کیا ہے۔