نئی دہلی : ہندوستان نے چین کے صدر شی جن پنگ کے وزیر اعظم نریندر مودی کے ساتھ دوسری غیر رسمی سربراہی بات چیت میں حصہ لینے سے پہلے بدھ کو کہا کہ جموں کشمیر ہندوستان کا اندرونی اور ذاتی معاملہ ہے اور کسی بھی دیگر ملک کو اس میں دخل دینے یا اس کو لیکر کوئی بیان بازی کرنے کا حق نہیں ہے ۔
ایک میڈیا رپورٹ میں چین کے صدر شی جنگ پنگ اور پاکستان کے وزیراعظم عمران خان کے درمیان ہوئی بات چیت میں کشمیر کا ذکر آنے کو لیکر صحافیوں کے سوالوں کا جواب دیتے ہوئے وزارت خارجہ کے ترجمان رویش کمارنے کہا کہ ' ہم نے چینی صدر شی جن پنگ کی پاکستان کے وزیر اعظم سے ہوئی میٹنگ میں مسئلہ کشمیر پر تبادلہ خیال ہونے کی رپورٹ دیکھی ہے '۔
کمار نے کہا کہ ' ہندوستان کا رُخ صاف اور واضح رہا ہے کہ جموں کشمیر ہندوستان کا اٹوٹ حصہ ہے ۔ چین بھی اس بات کو اچھی طرح جانتا ہے۔ انہوںنے کہا کہ دیگر ممالک کو ہندوستان کے اندرونی معاملات پر تبصرہ کرنے کا کوئی حق وجواز نہیں ہے ۔
