انٹرنیشنل ڈیسک:اے این آئی سے بات کرتے ہوئے، وزیراعظم مودی نے کہا کہ ہندوستان-مشرق وسطی-یورپ اقتصادی راہداری جس کے لئے گزشتہ سال ہندوستان کی میزبانی میں جی 20 سربراہی اجلاس کے دوران ایک معاہدہ ہوا تھا سلک روٹ کی طرح ایک بڑا گیم چینجر ہوگا۔ سعودی ولی عہد شہزادہ محمد بن سلمان اور امریکی صدر جو بائیڈن کی جی 20 میں مصافحہ کرتے ہوئے تصاویر نے عالمی سطح پر سرخیاں بٹوری تھیں۔

وزیراعظم مودی نے مزید کہا کہ جب ہم عالمی بہبود کے لیے کام کرتے ہیں تو کوئی اگر-مگرکی بات نہیں ہوتی۔ آپ دنیا کو اپنے ساتھ لے جا سکتے ہیں اور میں نے یہی کرنے کی کوشش کی تھی۔ آپ مجھے بتائیں کہ G8 اور G20 کیسے وجود میں آئے؟ ہمیں ان مسائل سے کبھی انحراف نہیں کرنا چاہیے جن کے لیے وہ تشکیل دیے گئے تھے۔ میں نے سب کو یقین دلایا۔ کچھ لوگ تھے جن سے مجھے نجی طور پر بات کرنے کی ضرورت تھی۔ میں نے بھی ایسا ہی کیا۔ دوسری بات یہ کہ میرا ارادہ یہ تھا کہ میں آخری سیشن میں تجویز نہیں لاوں گا۔ اتنی جلدی کروں گا کہ لوگ حیران رہ جائیں گے۔ اس لیے میں نے دوسرے دن اعلان کا کام پہلے دن ہی مکمل کر لیا۔ یہ میری حکمت عملی تھی اور اس حکمت عملی کام کر گئی۔
بائیڈن اور محمد بن سلمان کے درمیان ہاتھ ملانے کے سوال پروزیراعظم مودی نے کہا کہ ان کی دونوں لیڈروں کے ساتھ دوستی ہے۔ ہم نے IMEC پر کام کیا ہے جو کہ سلک روٹ کی طرح ایک بڑا گیم چینجر ثابت ہونے والا ہے۔ خلیجی ممالک کا مثبت اور فعال کردار تھا۔ بھارت کو اچھا کردار ادا کرنے کا موقع ملا۔ امریکہ اور یورپ ہمارے ساتھ تھے۔ سب نے سوچا کہ ٹھوس اور مثبت نتیجہ نکلے گا۔ تو ہم اسی پر ملتے تھے۔ اس لیے سعودی بادشاہ اور صدر بائیڈن کو ساتھ لانے کا موقع ملا اور میری ان دونوں کے ساتھ اچھی دوستی ہے۔