نیشنل ڈیسک: وزارت خزانہ کے جون ماہ  کے اقتصادی جائزہ میں کہا گیا ہے کہ ہندوستان کی معیشت مالی سال 2025-26 کی دوسری سہ ماہی میں نسبتاً مضبوطی کے ساتھ  داخل ہو رہی ہے۔ پہلی سہ ماہی میں، گھریلو طلب اور رسد کے بنیادی اصول مضبوط رہے، افراط زر ہدف کی حد میں ہے اور مانسون معمول کے مطابق رہا ہے۔
رپورٹ کے مطابق، مالی سال 26 کے لیے اقتصادی نقطہ نظر "مستحکم" دکھائی دے رہا ہے، حالانکہ کچھ منفی خطرات بھی ہیں۔ وزارت نے کہا ہے کہ 2025 کے وسط تک ہندوستانی معیشت محتاط امید کی تصویر پیش کرتی ہے۔ تجارتی تناؤ، جغرافیائی سیاسی عدم استحکام اور عالمی غیر یقینی صورتحال کے باوجود ہندوستان کے میکرو اکنامک بنیادی اصول مضبوط ہیں۔ گھریلو طلب، مالیاتی سمجھداری اور مالیاتی مدد کی وجہ سے  ہندوستان کسی بھی دوسری بڑی معیشت کے مقابلے میں تیزی سے ترقی کرتا رہے گا۔ مختلف سروے کے مطابق مالی سال 26 میں جی ڈی پی کی شرح نمو 6.2 سے 6.5 فیصد کے درمیان رہنے کا تخمینہ لگایا گیا ہے۔
گزشتہ مئی میں اپنے جائزے میں، وزارت نے کہا تھا کہ ہندوستان کی میکرو اکنامک صورتحال "نسبتاً اچھی" ہے، جس میں کوئی بڑا عدم توازن نہیں ہے۔ افراط زر کم ہے اور مانیٹری پالیسی ترقی کے موافق ہے۔ وزارت نے اسے " گھبراہٹ بھرا لیکن دلچسپ وقت" قرار دیا اور کہا کہ جغرافیائی سیاسی تبدیلیاں ہندوستان کے لیے نئے مواقع لے  کر آسکتی ہیں۔ یہ بھی کہا گیا کہ ان چیلنجز کا مقابلہ کرنے کے لیے ملک کو لچکدار رہنا ہو گا۔
 نرمی کا امکان بنا ہوا ہے 
ماہانہ جائزے میں یہ بھی بتایا گیا کہ ریزرو بینک آف انڈیا(آر بی آئی)کے ذریعہ سود کی شرح میں مزید کمی کی گنجائش باقی ہے۔ بنیادی افراط زر 4 فیصد ہدف سے کافی نیچے ہے، جو کہ جاری مالیاتی نرمی کا اشارہ ہے۔ آر بی آئی نے مالی سال 26 کی دوسری سہ ماہی کے لیے افراط زر 3.4 فیصد رہنے کا تخمینہ لگایا ہے، جو کہ پہلی سہ ماہی کے ہدف سے کم ہے۔ اس کے علاوہ اوپیک ممالک کی جانب سے خام تیل کی پیداوار میں اضافے کی وجہ سے بھی تیل کی قیمتیں کم رہنے کا امکان ہے۔
فروری سے آر بی آئی نے ریپو ریٹ کو گھٹا کر 5.5 فیصد کر دیا ہے۔ اس کے ساتھ ہی ستمبر 2025  سے کیش ریزرو ریشو (CRR) میں 100 بیسس پوائنٹس کی کمی کا بھی اعلان کیا گیا ہے، جس سے بینکنگ سسٹم میں تقریبا 2.5 لاکھ کروڑ روپے کے اضافی فنڈز دستیاب ہوں گے۔ اگست میں ہونے والی MPC میٹنگ میں جون سہ ماہی کے GDP اور افراط زر کے اعداد و شمار کو مدنظر رکھتے ہوئے ریپو ریٹ پر فیصلہ کیا جائے گا۔
معاشی ماہرین میں کٹوتیوں کو لیکر اختلاف 
کچھ ماہرین معاشیات مہنگائی کے کم اعداد و شمار کے پیش نظر اگلی پالیسی میں شرح سود میں کمی کی توقع رکھتے ہیں، جبکہ دوسرے جمود کو برقرار رکھنے کا مشورہ دے رہے ہیں۔ وہ کہہ رہے ہیں کہ آنے والی سہ ماہی کے افراط زر کے رجحانات اور امریکی تجارتی معاہدوں کی پیش رفت کو دیکھ کر فیصلے کیے جائیں گے۔ یہ معلومات ای ٹی نے دی، جس میں کہا گیا کہ ماہرین اقتصادیات نے آر بی آئی کے گورنر اور ڈپٹی گورنر کے ساتھ اپنی رائے شیئر کی ہے۔
منفی خطرات بھی موجود 
وزارت خزانہ کے جائزے میں یہ بھی کہا گیا ہے کہ عالمی سست روی سے ہندوستانی برآمدات پر دباؤ بڑھ سکتا ہے۔ جون میں ہندوستان کی تجارتی اشیاء کی برآمدات 35.14 بلین ڈالر رہی جو مئی کے مقابلے میں 9 فیصد کم ہے۔ نومبر کے بعد یہ سب سے کم تعداد ہے۔ جائزے میں قرض کی سست شرح نمو اور نجی سرمایہ کاری میں کمزوری کو ترقی کے خطرات کے طور پر بھی پیش کیا گیا۔ تاہم، قرض لینے کی کم لاگت کی وجہ سے بانڈ مارکیٹ میں دلچسپی بڑھی ہے۔
رپورٹ میں کہا گیا ہے کہ اگر عالمی کشیدگی میں اضافہ نہیں ہوا ہے تو بھی امریکی ٹیرف اور عالمی سست روی سے ہندوستان کی تجارت متاثر ہو سکتی ہے۔ سست قرض کی ترقی اور نجی سرمایہ کاری کی کمی معاشی رفتار کو محدود کر سکتی ہے۔ ہول سیل پرائس انڈیکس میں تنزلی  کے رجحان کی وجہ سے حقیقی معاشی سرگرمی  کے مقابلے قیمتوں میں ماپی گئی رفتار سے کم ہو سکتی ہے ۔