نیشنل ڈیسک: پہلگام میں دہشت گردانہ حملے کے بعد ہندوستان اور پاکستان کے درمیان حالات کافی کشیدہ ہوگئے ہیں۔ اس کے بعد پاکستان کی جانب سے سرحد پر مسلسل فائرنگ جاری ہے جس کا ہندوستانی  فوج نے منہ توڑ جواب دیا ہے۔ دفاعی ذرائع کے مطابق ہندوستان اور پاکستان کے فوجی حکام نے ہاٹ لائن پر بات چیت کی جس میں ہندوستان نے پاکستان کے اس رویے پر سخت اعتراض کیا۔ ہندوستان  نے واضح طور پر کہا ہے کہ پاکستان کی جانب سے بار بار جنگ بندی کی خلاف ورزی برداشت نہیں کی جائے گی۔
سرحد پر مسلسل فائرنگ
ہندوستانی  فوج کے مطابق 29-30 اپریل کی درمیانی شب پاکستانی فوج نے جموں و کشمیر کے نوشہرہ، سندر بنی اور اکھنور سیکٹرز میں بلا اشتعال فائرنگ کی۔ اس سے پہلے بھی کئی راتوں سے پاکستانی فوج کپواڑہ، بارہمولہ، پونچھ، رام پور اور توتماری گلی جیسے علاقوں میں مسلسل فائرنگ کر رہی ہے۔ اب یہ فائرنگ صرف ایل او سی(لائن آف کنٹرول)تک محدود نہیں ہے بلکہ بین الاقوامی سرحد تک بھی پھیل چکی ہے۔
فوج نے دیا منہ توڑ جواب 
 ہندوستانی فوج نے ہر بار پاکستان کی فائرنگ کا منہ توڑ جواب دیا ہے۔ ہندوستان  کا خیال ہے کہ پاکستان کے یہ اقدامات دہشت گردی کے خلاف بھارت کی سخت پالیسی کے خوف کا نتیجہ ہیں۔ پاکستان کو خدشہ ہے کہ اس بار ہندوستان  بالاکوٹ اور پلوامہ حملوں کے جواب سے زیادہ بڑی کارروائی کر سکتا ہے۔