نیشنل ڈیسک:ملک میںکورونا وائرس (کووڈ19)کے معاملوں کی تعداد بڑھ کر 2000 سے تجاوز کر گئی  ہے اور اس سے اب تک 53افراد کی جان جا چکی ہے ۔ دہلی کے نظام الدین واقع مرکز میں تبلیغی جماعت میں شامل لوگوں کی بڑی تعداد  میں کورونا وائرس ( کووڈ 19) سے متاثر پائے جانے کی وجہ سے ملک میں اس کے متاثرین  کی تعداد  گزشتہ تین دن میں کافی تیزی سے بڑھی ہے اور گورووار کو متاثرین کی تعداد 2069 تک پہنچ گئی اور اس کی زد میں آکر اب تک 53افراد کی موت ہو گئی ہے۔
نظام الدین مرکز میںتبلیغی جماعت  میں شامل لوگوں کے 108متاثرہ کے معاملے صرف دہلی میںسامنے آنے سے اس وبا سے متاثرین کا اعداد وشمار 293 تک پہنچ گیا ہے ۔ گزشتہ 24گھنٹے میںملک میں 235نئے معاملے سامنے آئے ہیں جو کسی تشویش سے کم نہیں ہے۔ اکیلے مہاراشٹر میںمریضوں کی تعداد 400 کے پار پہنچ گئی ہے۔ 
اسی درمیان وزیرا عظم نریندر مودی نے ملک میں کورونا انفیکشن والی سب سے زیادہ امکانی جگہوں  (ہاٹ سپاٹ) کا جنگی سطح پر پتہ لگانے اور انفیکشن کے پھیلائو پر  کنڑول لگانے کی درخواست کرتے ہوئے گورووار کو سبھی صوبوں کے وزرا اعلی سے بات کی اور کہا کہ وہ سبھی ضروری احتیاط برتین کیونکہ کچھ ممالک  میں یہ وائرس دو بارہ پائوں  رکھ رہا ہے۔