سری نگر: ایک طرف پوری دنیا کورونا وبا کی لپیٹ میں ہے ، جبکہ ہمسایہ ملک پاکستان اپنی مذموم سرگرمیوں سے باز نہیں آرہا ہے۔ پاکستان مسلسل سرحد پار سے دہشت گرد بھیج رہا ہے۔ جموں وکشمیر کے ضلع گاندربل میں بدھ کے روز دہشت گردی کے ایک حملے میں بارڈر سکیورٹی فورس (بی ایس ایف) کے دو اہلکار ہلاک ہوگئے۔ عہدیداروں نے بتایا کہ عسکریت پسندوں نے بارڈر سکیورٹی فورس کی ایک ٹیم پر فائرنگ کی ، جس میں دو فوجی ہلاک ہوگئے۔ انہوں نے بتایا کہ علاقے کو گھیرے میں لے لیا گیا ہے اور حملہ آوروں کو پکڑنے کے لئے سرچ آپریشن شروع کردیا گیا ہے۔