واشنگٹن: کورونا وائرس سے امریکہ میں 11 لوگوں کی موت ہو چکی ہے۔ وائرس کے خوف کی وجہ سے ہی صدر ڈونالڈ ٹرمپ نے احتیاطاً اپنا چہرہ ہفتوں سے نہیں چھوا ہے اور ایسا کرنا وہ مس کر رہے ہیں۔ میڈیا رپورٹ میں وائٹ ہاؤس میں ہوئی ایک میٹنگ کے دوران ٹرمپ کے حوالے سے بتایا گیا کہ 'میں نے ہفتوں سے، اپنا چہرہ نہیں چھوا ہے! میں ایسا کرنا مس کر رہا ہوں'۔

صدر ٹرمپ کے اس بیان کے بعد ٹویٹر صارفین  سرگرم  ہوگئے اور انہوں نے فوری طور پر گزشتہ چند ہفتوں کے دوران لی گئی صدر کی تصاویر پوسٹ کی۔اس میں وائٹ ہاؤس کی ملاقاتوں کے دوران وہ اپنے ہاتھ سے اپنی ٹھوڑی کو آرام دیتے  دکھائی دے رہے ہیں۔ دوسرے میں وہ اپنے چہرے کو چھوتے نظر آ رہے ہیں۔ صدر ٹرمپ کئی بار کہہ چکے ہیں کہ وہ جمو فورب (جراثیم  کا ضرورت سے زیادہ خوف) میں مبتلا ہیں اور ساتھ ہی حفظان صحت کے  تئیں جنون رکھتے ہیں۔
ساؤتھ ویسٹ، یونائیٹڈ، امریکی اور جیٹ  بلیو سمیت ملک کی اہم ایئر لائنز کے سربراہوں کے ساتھ کورونا وائرس پر غور خوض کرنے کے لئے وائٹ ہاؤس میں بلائی گئی ایک میٹنگ کے دوران صدر ٹرمپ نے یہ تبصرہ کیا۔ 

غور طلب ہے کہ وائرس سے متاثر ہونے کے امکانات کو کم کرنے کے طریقے کی شکل میں امریکی سینٹرز فار ڈیزیز کنٹرول اینڈ پری وینشن(سی ڈی ایس )نے لوگوں سے درخواست کی ہے کہ وہ اپنے چہرے کو نہ چھوئے ، اس میں بھی خاص طور آنکھوں، ناک اور منہ شامل ہیں۔