واشنگٹن:  امریکہ میں ٹیکساس کے گورنر گریگ ایباٹ نے دو مسلم تنظیموں کو غیر ملکی دہشت گرد اور بین الاقوامی مجرمانہ تنظیم قرار دیا ہے۔ اس کے تحت ان پر اس امریکی ریاست میں زمین خریدنے پر پابندی لگا دی گئی ہے اور حکومت کو ان سے جڑی کسی بھی سرگرمی کو بند کرنے کے لیے قانونی کارروائی کا اختیار ملتا ہے۔
ایباٹ نے منگل کو اپنے دفتر سے جاری ایک بیان میں کہا کہ مسلم برادرہڈ اور کونسل آن امریکن-اسلامک ریلیشنز (سی اے آئی آر)دنیا بھر میں دہشت گردی کی حمایت کرتے ہیں اور تشدد، دھمکی اور ہراسانی کے ذریعے ہمارے قوانین کو توڑتے ہیں۔ انہوں نے کہا کہ ان دونوں تنظیموں کو دہشت گرد تنظیم قرار دینے کا مقصد ٹیکساس کے لوگوں کو ان انتہا پسند نیٹ ورکس سے بچانا ہے جو جمہوری اقدار کے مخالف ایجنڈے تھوپنے کی کوشش کر رہے ہیں۔
ایباٹ نے کہا، ان انتہا پسند بنیاد پرستوں کا ہمارے ریاست میں کوئی استقبال نہیں ہے۔ سی اے آئی آر کا قیام امریکی مسلمانوں کے شہری حقوق کو آگے بڑھانے کے لیے کیا گیا تھا اور یہ غزہ تنازع میں امریکی حکومت کی پالیسیوں کا زور دار ناقد رہا ہے، جبکہ مسلم برادرہڈ مصر میں قائم ایک بین الاقوامی سنی اسلامی تحریک ہے۔