نیشنل ڈیسک:17صوبوں کی 55 راجیہ سبھا سیٹوں  کے لئے  دو سالہ چنائو 26مارچ کو ہوگا ۔ چنائو کمیشن کی طرف سے جار ی نوٹیفکیشن کے مطابق  ان 17صوبوں  سے  چنے گئے  راجیہ سبھا  ممبران کی مدت کار  اپریل  میں ختم ہو رہی ہے ۔ ان میں ڈپٹی چیئرمین ہری ونش  ، موتی لال وورا ، رامداس اٹھاولے ، دگ وجے سنگھ ، ڈاکٹر سنجے  سنگھ ، کماری شیلجہ ، وجے گوئل ، پریم چند گپتا ، تریچوم  شوا وغیرہ  اہم ہیں۔

کمیشن کے  مطابق چنائو کا نوٹیفکیشن   چھ  مارچ کو جاری ہوگا اور 13مارچ کو نامزدگی ، 16کو نامزدگیوں  کی جانچ اور 18کو نام واپس لینے کی آخری تاریخ ہوگی۔ مہاراشٹر ، اوڈیشہ،تامل ناڈو، اور مغربی بنگال سے چنے گئے   ممبران  دو اپریل  کو ریٹائر ہو جائیںگے  جبکہ آندھر ا پردیش  ، تیلنگانہ ،  جھارکھنڈ ، را جستھان ، گجرات، منی پور ، آسام، چھتیس گڑھ ،ہریانہ ، مدھیہ پردیش ،اور ہماچل بردیش کے ممبران کی مدت کار نو اپریل  اور میگھالیہ کے ممبران کی مدت کار  بارہ اپریل کو ختم ہوگی۔

مہاراشٹر کی سات ،اوڈیشہ کی چار ، تامل ناڈو کی چھ ،  مغر بی بنگال کی  پانچ، آندھر پردیش  کی چار، تیلنگانہ کی دو،آسام کی تین  ، بہار کی پانچ ، چھتیس گڑھ کی دو ، گجرات کی چار ، ہریانہ کی دو، ہماچل کی ایک ،جھارکھنڈ کی دو ،  مدھیہ پردیش  کی تین ، منی پور کی ایک ،  راجستھان کی  تین  اور میگھالیہ کی ایک  راجیہ سبھا سیٹوں  پر چنائو  ہوگا ۔