ممبئی : کورونا وائرس کو لے کر لوگوں میں خوف بڑھتا ہی جا رہا ہے، ملک میں اب تک ڈیڑھ لاکھ سے زیادہ لوگ اس بیماری کا شکار ہیں۔ ہندوستان بھارت میں 4 نئے کیس سامنے آنے کے بعد اب کورونا  سے متاثر افراد کی تعداد بڑھ کر 128  ہو گئی ہے۔ اس وائرس کی وجہ سے بالی وڈ اور ٹی وی انڈسٹری پر کافی اثر پڑا ہے۔
فلم اور سیریلس کی شوٹنگ 31 مارچ تک روک دی گئی ہیں۔ستارے بھی مسلسل لوگوں کو اس بیماری سے بچنے کے لئے احتیاط برتنے کی اپیل کر رہے ہیں،لیکن اسے لے کر اداکارہ رچا چڈھا اور پروڈیوسر ایکتا کپور آپس میں بھڑ گئی ہیں۔

بے شک، اس تنازعہ کے آغاز کامیڈین ادتی متل کے ایک ٹویٹ سے ہوئی۔انہوں نے لکھا ' ہندوستان میں  کووڈ - 19  کی علامات ملنے کے بعد جو لوگ ہاسپٹلس اور میڈیکل اتھارٹیز سے بھاگ رہے ہیں وہ ظاہر کرتے ہیں کہ ہندوستان کے شہریوں کا ریاست اور حکومت پر کیسا اعتماد اور رشتہ ہے۔ کیا یہی ایک عام ہندوستانی اور حکومت کے تعلقات کی حقیقت ہے۔

ادتی متل کے اس ٹویٹ کے جواب میں رچا چڈھا نے ٹویٹ کرتے ہوئے لکھا ہے کہ ' کو ئی بھی اس طرح کے رویے پر توجہ نہیں دے رہا ہے۔ اس کے بعد ایکتا کپور نے ان دونوں کے خیال پر اختلاف جتاتے  ہوئے لکھا کہ ' میں متفق نہیں ہوں،یہ موقع نہیں ہے کہ ہم اس مہاماری پر سیاست کریں۔جو لوگ عام ہندوستانیوں کی مدد کر رہے ہیں، وہ اپنی جان خطرے میں ڈال رہے ہیں'۔

ایکتا کپور کے اس ٹویٹ پر رچا نے اپنا  اعتراض کرتے ہوئے جواب دیا '  یہی وجہ ہے کہ عام انسان سرکاری اداروں پر بھروسہ  نہیں کر پا رہا ہے اور اس معاملے  میں ہم سب کے ساتھ ہی ہیں۔ ہمیں سمجھنا چاہئے کہ لوگ ایسے وقت میں بھی سرکاری اداروں کو اس وقت تک منتخب نہیں ہیں، جب تک کہ ان کے پاس کوئی چوائس ہے۔ یہ وبا ہمارے لئے ایک موقع کے طور پر ہے کہ ہم اپنے ہیلتھ کیئر انفراسٹرکٹر پر دھیان دیں۔