نئی دہلی: ریٹنگ ایجنسی آئی سی آر اے  (اقرا)نے 31 مارچ کو ختم ہونے والی سہ ماہی میں ہندوستان کی اقتصادی ترقی کی شرح 6.9 فیصد اور پورے مالی سال 2024-25 کے لئے 6.3 فیصد رہنے کا اندازہ لگایا ہے۔ یہ فروری میں قومی شماریاتی دفتر (NSO) کے پیش کردہ تخمینہ سے کم ہے۔ این ایس او نے فروری میں 2024-25 میں جی ڈی پی(مجموعی گھریلو پیداوار)کی شرح نمو 6.5 فیصد رہنے کا اندازہ لگایا تھا۔
 قابل ذکر ہے کہ گزشتہ مالی سال کی جون، ستمبر اور دسمبر کی سہ ماہیوں میں اقتصادی ترقی کی شرح بالترتیب 6.5 فیصد، 5.6 فیصد اور 6.2 فیصد رہی تھی۔ مالی سال 2024-25 میں این ایس او  کے 6.5 فیصد  اضافے کے اندازے کو حاصل کرنے کے لئے مارچ  یعنی  چوتھی سہ ماہی میں جی ڈی پی شرح نمو 7.6 فیصد ہونا چاہیے۔ این ایس او31 مئی کو مالی سال 2024-25 کی جی ڈی پی اور چوتھی سہ ماہی کے لیے اقتصادی ترقی کے تخمینے جاری کرنے والا ہے۔
ICRA کے مطابق، اس نے اندازہ لگایا ہے کہ مالی سال 2024-25 کی چوتھی سہ ماہی میں جی ڈی پی کی شرح نمو سالانہ بنیادوں پر 6.9 فیصد رہے گی۔ جو کہ مالی سال 2024-25 کی تیسری سہ ماہی میں 6.2 فیصد تھی۔ یہ این ایس او کے تخمینہ 7.6 فیصد سے بہت کم ہے۔ جب تک کہ  مالی سال 2024-25 کی پہلی اور تیسری سہ ماہی کے  اعداد و شمار میں کوئی اہم نظر ثانی نہیں ہوتی ہے، ICRA کا  پورے سال 2024-25 کے لئے GDP  شرح نمو 6.3 فیصد کا تخمینہ ہے ، جو  پچھلے مالی سال سے نمایاں طور پر کم ہے۔
 آئی سی آر اے  کی چیف اکنامسٹ ادیتی نائر نے کہا کہ مالی سال 2024-25 کی چوتھی سہ ماہی میں نجی کھپت اور سرمایہ کاری کی سرگرمیوں کے رجحانات غیر مساوی رہے۔ اس کی ایک وجہ، خاص طور پر سرمایہ کاری کے معاملے میں  فیس سے متعلق غیر یقینی صورتحال تھی۔ خدمات کے شعبے کی برآمدات دوہرے ہندسوں میں بڑھتی رہیں۔ وہیں ، دسمبر کی سہ ماہی میں اضافے کے بعد، مالی سال 2024-25 کی چوتھی سہ ماہی میں تجارتی سامان کی برآمدات میں سالانہ بنیاد پر کمی واقع ہوئی۔