انٹرنیشنل ڈیسک جرمن تحقیقاتی مرکز برائے ارضیاتی علوم کے مطابق جمعرات کو جاپان کے سب سے بڑے اور گنجان آباد جزیرے ہونشو کے مشرقی ساحل کے قریب 6.2 شدت کا زلزلہ آیا جس کی گہرائی تقریباً10 کلومیٹر ریکارڈ کی گئی۔ جاپان نیوز کی رپورٹ کے مطابق اس زلزلے کے بعد کسی بھی قسم کی سونامی وارننگ جاری نہیں کی گئی جس سے اطمینان کی بات ہے۔ موصولہ معلومات کے مطابق زلزلے کے جھٹکے محسوس ہوتے ہی لوگ گھروں سے باہر کی طرف بھاگے۔
وہیں اس سے ایک دن پہلے بدھ کی رات8 بج کر31 منٹ پر جنوب مشرقی ہیوگو پریفیکچر علاقے میں4.2شدت کا ایک اور ہلکا زلزلہ آیا تھا جس کا مرکز زمین سے تقریباً 20 کلومیٹر نیچے واقع تھا۔ مسلسل آنے والے جھٹکوں کے باوجود اب تک کسی بڑے نقصان کی اطلاع سامنے نہیں آئی۔