جالندھر:بارڈر سیکورٹی فورس (بی ایس ایف) کی انٹیلی جنس یونٹ نے پنجاب کے امرتسر ضلع کے سرحدی علاقے میں ایک ڈرون اور ایک پستول برآمد کی ہے۔ بی ایس ایف کے ایک ترجمان نے ہفتہ کو بتایا کہ ڈرون کی موجودگی کی اطلاع ملنے کے بعد بی ایس ایف کے دستوں نے ایک تلاشی مہم میں امرتسر ضلع کے رتن کھرد گاوں سے متصل ایک کھیت میں صبح 8 بجے کے قریب ایک ڈرون برآمد کیا۔ برآمد شدہ ڈرون کی شناخت چینی ساختہ جی جے آئےی میوک 3 کلاسک کے طور پر کی گئی ہے۔ ایک اور معاملے میں بی ایس ایف نے امرتسر ضلع کے بھروپل گاوں سے ڈرون سے گرائی گئی ایک پستول برآمد کی ہے۔

ترجمان نے بتایا کہ بی ایس ایف انٹیلی جنس یونٹ کی مخصوص اطلاع کی بنیاد پر بی ایس ایف کے دستوں نے صبح ساڑھے سات بجے کے قریب تلاشی کے دوران بھروپل گاوں کے ایک کھیت سے ایک پیکٹ برآمد کیا جو پیلے رنگ کی پیکنگ میں لپٹا ہوا تھا اور جو کالے چپکنے والی ٹیپ اور اس سے منسلک دھات کی انگوٹھی کے ساتھ جڑا ہوا تھا۔ پیکنگ کھولنے پر ایک پستول ایک خالی میگزین برآمد ہوئی۔ واضح رہے کہ اس سے پہلے آج بی ایس ایف نے سرحدی گاوں سے تین کلو گرام ہیروئن اور ایک ڈرون برآمد کیا تھا۔ اس طرح آج برآمد ہونے والے ڈرون کی تعداد دو ہو گئی ہے۔