ممبئی :بالی وڈ اداکارہ دشا پاٹنی کی فلم 'ملنگ'ریلیز ہوچکی ہے۔ یہ فلم لوگوں کو پسند بھی آرہی ہے۔ اس کے ساتھ ہی لوگ دشا پاٹنی کی خوبصورتی کے بھی قائل ہیں۔ لوگ بھلے ہی دشا پانٹی کو پسندکرتے ہیں، لیکن پھربھی دشا پاٹنی کو ایک بات کا افسوس ہے۔ ان کے مطابق انہیں آج تک کسی بھی لڑکے نے پرپوز نہیں کیا ہے۔

 ہندوستان ٹائمس کی خبرکے مطابق دشا پاٹنی سے ملنگ کے پرموشن ایونٹ پرکچھ سوال جواب کئے گئے۔ اس دوران ان سے پوچھا گیا کہ انہیں اب تک زندگی میں کتنے پرپوزل ملے ہیں اور انہوں نے کتنے دل توڑے ہیں؟ اس سوال کے جواب میں دشا پاٹنی نے کہا، 'کسی نے مجھے پرپوز ہی نہیں کیا۔ میں اسکول میں ٹام بوائے تھی'۔
دشا پاٹنی نے اپنی لو لائف(پیار کی زندگی)کے بارے میں بھی بتایا۔ انہوں نے بتایا 'میرے والد پولیس میں تھے۔ کسی نے پوچھا ہی نہیں کبھی۔ پھر کالج میں بھی کسی نے نہیں پوچھا۔ پھر ادھر آگئی۔ میں ادھر کسی پارٹی میں نہیں جاتی ہوں۔ اس لئے کسی سے ملی نہیں۔ میری زندگی کافی دکھ بھری رہی ہے۔

واضح رہے کہ دشا پاٹنی اور ٹائیگر شراف کوکئی بار ساتھ میں لنچ کرتے ہوئے اور گھومتے ہوئے اسپاٹ کیا گیا ہے، لیکن دونوں کی طرف سے کبھی ریلیشن شپ کو لیکرکوئی بات نہیں کہی گئی۔ ٹائیگرشراف کی بہن کرشنا شراف نے بھی بھائی کے ریلیشن شپ کو لیکر صفائی دی تھی۔ انہوں نے واضح طورپرکہا تھا کہ ٹائیگر شراف کسی کو بھی ڈیٹ نہیں کر رہے ہیں۔ انہوں نے ایک چیٹ شو میں کہا تھا کہ آپ لوگ مجھے جانتے ہیں کہ میں کبھی بھی جھوٹ نہیں بولتی۔ میں ہربات کو بالکل سیدھے طور پرکہتی ہوں۔ ٹائیگرشراف 100 فیصد سنگل (تنہا) ہیں۔

اس سے پہلے بھی دشا پاٹنی نے اپنی لو لائف کے بارے میں بات کی تھی۔ 'ملنگ' کی اداکارہ دشا پاٹنی نے پنکولا کو دیئے انٹرویو میں کہا تھا، 'پیار کافی اہم چیز ہوتی ہے۔ یہ ترغیب دینے والی طاقت ہوتی ہے۔ آپ جو کچھ بھی زندگی میں کرتے ہیں، وہ یا تو پیار کے لئے ہوتا ہے اور یا پھر پیار کی وجہ سے ہوتا ہے'۔
انہوں نے کہا تھا، 'آپ پیارکے بغیر کیسے رہ سکتے ہیں؟ مجھے بھی پہلی نظر میں پیار ہوا تھا۔ میرے لئے پیارمیں پڑنا بہت اہم ہے۔ میں پہلے دن تتلیوں کی طرح احساس سے پیار کرتی ہوں۔ اگرایسا پہلے دن نہیں ہوتا ہے، تو وہاں پیار نہیں ہوتا۔ میں اسے تلاش کرتی ہوں، جو میرے لڑکی ہونے کا احساس کرائے۔