نئی دہلی:دہلی اسمبلی انتخابات کی  تاریخ جیسے جیسے قریب آ رہی ہے، نیتاؤں کی جانب سے متنازعہ بیانات کا سلسلہ بھی تیز ہو رہا ہے۔ بدھ کو بی جے پی کے نیتا کا ایک بیان سامنے آیا ہے، جس میں وہ دہلی کے وزیر اعلیٰ اروند کیجریوال کے  موازنہ ایک دہشت گرد سے کر رہے ہیں۔ مادی پور کے ایک اجتماع میں پرویش  ورما نے کہا کہ ملک میں کیجریوال جیسے نٹورلال اور دہشت گرد ہیں۔ ہمیں تو سوچنے پر مجبور ہونا پڑتا ہے، ہم کشمیر میں پاکستانی دہشت گردوں سے لڑیں یا پھر کیجریوال جیسے دہشت گردوں سے اس ملک میں لڑیں۔

وہیں اس سے پہلے انہوں نے شاہین باغ پر بیان دیا تھا۔  پرویش ورما نے کہا تھا کہ شاہین باغ کے مظاہرین آپ  کے گھروں میں گھسیںگے، بیٹیوں سے ریپ گے۔شاہین باغ پر دئیے گئے بیان کو لے کر پرویش ورما کو جان سے مارنے کی دھمکی بھی ملی ہے۔ ورما نے صبح آٹھ بج کر 11 منٹ پر آئے دھمکی بھرے  فون کالز سکرین شاٹ  ٹویٹر پر شیئر کر یہ معلومات دیں۔انہوں نے کہا کہ وہ اس سلسلے میں پولیس میں شکایت درج کرائیں گے۔